U Minsku siońnia za ŭdzieł u Maršach sudziać adrazu čatyry siamiejnyja pary
Kolkaść sudoŭ pa artykule 342 Kryminalnaha kodeksa nie spadaje, a ŭzrastaje.
Kožny dzień pa ŭsioj Biełarusi sudziać ludziej za pratesty. Ciapier heta novy «narodny» artykuł zamiest administracyjnaha 24.23 KaAP (niesankcyjanavanaje pikietavańnie). Tolki siońnia, 13 kastryčnika, u Minsku adbudziecca minimum 9 pracesaŭ za ŭdzieł u Maršach, siarod ich — čatyry siamiejnyja pary, paviedamlaje «Viasna».
U sudzie Maskoŭskaha rajona sudziać palitviaźnia Antona Masłyku i jaho žonku Kaciarynu Jeŭdakimavu. U siamji troje dziaciej. Prakuror zaprasiŭ dla abodvuch pa 1,5 hoda kałonii, choć Kaciaryna znachodzicca pad chatnim aryštam. Siońnia Siarhiej Kacar vyniasie im prysud.
U hetym ža sudzie adbyvajecca sud nad palitźniavolenymi Śviatłanaj i Dzianisam Šaramiećjevymi. Ich zatrymali 14 červienia. Spravu suprać ich taksama budzie razhladać Siarhiej Kacar — paśla prysudu papiaredniaj siamji.
U sudzie Partyzanskaha rajona spravu suprać palitźniavolenaj Aleny Paŭłovič i jaje muža Dźmitryja budzie razhladać sudździa Michaił Makarevič. U siamji dvoje niepaŭnaletnich dziaciej. Pry zatrymańni Alenu prymusili ździrać sa ściany BČB-špalery.
Sud Pieršamajskaha rajona Minska razhledzić spravu suprać Dzijany i Uładzimira Łysakoŭ. Sudździa — Anastasija Kulik.
Kamientary