«10-20 pracentaŭ». Analityki nazvali imaviernaść jadziernaha kanfliktu va Ukrainie
Pahrozy Pucina vykarystać jadziernuju zbroju apošnija tydni vyklikali tryvohu ŭ krainach NATA, i aljans za začynienymi dźviaryma abmiarkoŭvaŭ, jak jon budzie reahavać na takuju mahčymaść. Zachodnija krainy raspracoŭvajuć płany na vypadak nadzvyčajnych situacyj, kab spravicca z chaosam u siabie ŭ vypadku jadziernaj vajny, raskazvaje The Times.
Miery mohuć uklučać u siabie vypusk ulotak pra toje, jak vyžyć paśla jadziernaj ataki, a taksama ŭtajmavańnie spažyvieckaj paniki.
U kancy 1970-ch i pačatku 1980-ch hadoŭ brytanski ŭrad užo vypuskaŭ buklet «Abarani i vyžyvi», aryjentavany na hramadskaść, u jakim apisvałasia, «jak zrabić svoj dom i svaju siamju maksimalna abaronienymi va ŭmovach jadziernaj ataki».
Kali sprava dachodzić da ryzyki jadziernaj vajny z Rasijaj, stratehi razhladajuć jak minimum dva varyjanty raźvićcia padziej. Pieršy varyjant zaklučajecca ŭ tym, što Pucin, daviedzieny da adčaju, atakuje bujny horad, vyklikajučy nieźličonyja śmierci i razbureńni. Druhi — vykarystańnie małakalibiernaj taktyčnaj jadziernaj zbroi na froncie, naprykład, niedzie nad lesam ci nad vostravam Źmiainy.
Pytańnie, jakim zadajucca analityki: kali b adbyŭsia navat mienš strašny druhi varyjant, ci abjadnaŭsia b śviet, kab asudzić heta? Ci zhurtavała b čałaviectva takoje parušeńnie jadziernaha tabu, što zachoŭvała biaśpieku na płaniecie ciaham 70 hadoŭ?
Tym časam rasijski bok nahniataje napružańnie. U telezvarotach Pucin demanstratyŭna spasyłaŭsia na vykarystańnie ZŠA atamnych bombaŭ u Chirasimie i Nahasaki ŭ jakaści precedentu. Hienieralny sakratar NATA zajaviŭ, što Rasija sutykniecca z «ciažkimi nastupstvami», kali jana vykarystaje jadziernuju zbroju, u tym liku małoj mahutnaści, va Ukrainie.
Mećju Ban, prafiesar Harvardskaj škoły Kienedzi, acaniŭ, što ryzyka jadziernaha kanfliktu va Ukrainie składaje 10-20 adsotkaŭ. Niekamiercyjnaja kampanija Swift Center for Applied Forecasting, jakaja zajmajecca «supierprahnazavańniem», acaniła jaje prykładna ŭ 10 adsotkaŭ.
U časopisie Global Policy vyjšaŭ artykuł pad nazvaj: «Jadziernaja vajna jak pradkazalny siurpryz». Asnoŭnaja dumka zaklučajecca ŭ tym, što zachodniaje hramadstva siońnia «samazdavolenaje», i toj fakt, što my pieražyli chałodnuju vajnu, nie aznačaje, što ŭ doŭhaterminovaj pierśpiektyvie čałaviectvu i dalej budzie hetak ža šancavać.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary