Daniłaŭ: Pucin źmianiŭ taktyku i vajuje ciapier z cyvilnym nasielnictvam, a nie z vajskoŭcami
Rasiju i niekatoryja inšyja krainy treba razzbroić, bo jany pahražajuć usiamu čałaviectvu, miarkuje sakratar Rady biaśpieki i abarony Ukrainy Alaksiej Daniłaŭ.
«My ličym, što kali Rasija vyrašyć prymianić taktyčnuju jadziernuju zbroju, usie krainy pavinny buduć pavodzić siabie tak, jak jany ličać patrebnym. U toj ža čas kolkaść krain, jakija vałodajuć tak zvanaj «brudnaj bombaj», budzie pavialičvacca ŭ hieamietryčnaj prahresii. Heta nieprymalna», — zajaviŭ Daniłaŭ.
Jon dadaŭ, što navat krainy, jakija vykazali niejtralnuju pazicyju ŭ dačynieńni da ŭvarvańnia Rasii va Ukrainu, mohuć stać abjektami pahroz z boku Rasii, tamu RF i «takija krainy, jak Rasija» pavinny być razzbrojenyja.
Daniłaŭ taksama adznačyŭ, što Pucin źmianiŭ stratehiju i taktyku, u pryvatnaści, «jon vajuje ź mirnym nasielnictvam, ale nie z našymi vajskoŭcami».
«Ciapier u jaho novaja stratehija i novaja taktyka, novy pohlad na vajnu, jakuju jon raźviazaŭ. My da hetaha hatovyja, tamu jašče raz zajaŭlaju — nijakija jaho «strašyłki» nas nie napałochajuć. My budziem ruchacca napierad i vyzvalim usiu našu terytoryju ad rasijskich fašystaŭ», — reziumavaŭ sakratar RNBA.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary