Siońnia pravaabarončaja supolnaść Biełarusi pryznała palitviaźniami jašče 9 čałaviek. Siarod ich takija viadomyja ludzi, jak Mikałaj Aŭtuchovič i Juraś Ziankovič.
Taksama palitviaźniami pryznanyja Andrej Budaj, Alaksandr Muraŭjoŭ, Alaksandr Sidarenka, Mikałaj Biblis, Pavieł Sava, Viktar Śniehur i Iryna Haračkina.
Usie jany asudžanyja da vialikich terminaŭ za «teraryzm», i pravaabaroncy adznačajuć, što
«ŭłady złoŭžyvajuć mahčymaściami kryminalnaha zakanadaŭstva i prymianiajuć da pratestoŭcaŭ praźmierna žorstkija miery adkaznaści, źviazanyja sa źniavoleńniem na praciahły termin za ździajśnieńnie dziejańniaŭ, jakija nie paciahnuli ciažkich nastupstvaŭ. U pryvatnaści, kvalifikacyja dziejańniaŭ jak teraryzmu zaviedama nie adpaviadaje tamu, što, u adpaviednaści ź mižnarodnymi standartami, pavinna ŭkładvacca ŭ heta paniaćcie».
Ahulnaja kolkaść palitźniavolenych ciapier dasiahnuła 1347 čałaviek.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi49
Kamientary