Punkty propusku «Miedniki» i «Salečniki» byli zakrytyja viečaram u piatnicu paśla taho, jak byli zafiksavanyja mieteazondy kantrabandystaŭ ź Biełarusi.
Litva zakryła dva punkty propusku «Miedniki» (ź biełaruskaha boku «Kamienny Łoh») i «Salečniki» («Bieniakoni») učora ŭ 21:40 da 12:00 suboty.
Taksama ŭčora viečaram była spyniena praca aeraportaŭ u Vilni i Koŭnie.
U abodvuch aeraportach z-za mieteazondaŭ byli adklikanyja, adkładzienyja abo nie pryniatyja 40 rejsaŭ. Heta zakranuła bolš čym 6000 pasažyraŭ. 10 rejsaŭ adklikali, 14 nakiravali ŭ inšyja aeraporty, 16 adkłali. Samaloty nakiroŭvalisia ŭ Pałanhu, kudy adpravili i aŭtobusy pa pasažyraŭ.
Kiraŭnik Nacyjanalnaha kryzisnaha centra Vilmantas Vitkauskas skazaŭ u intervju radyjo LRT, što na hety raz šaroŭ prylacieła prykładna ŭ 2—3 razy mienš, čym heta było na pačatku tydnia.
Pa jaho słovach, u pavietry było zafiksavana try, a ŭvohule zaŭvažana čatyry pavietranyja šary. «Adnak učora viečaram i na praciahu ŭsioj nočy chvalavańnie vyklikała toje, što napramki, u jakich latali pavietranyja šary, byli vielmi niebiaśpiečnymi — byli zakranuty nie tolki aeraport Vilni, ale i aeraport Koŭna», — skazaŭ Vitkaŭskas.
Jon padkreśliŭ, što ŭłady nie razhladali mahčymaści źbivać hetyja mieteazondy. Heta niebiaśpiečny sposab, jaki pradstaŭlaŭ by jašče bolšuju ryzyku dla žycharoŭ, budynkaŭ i infrastruktury.
Na hetym tydni, uviečary aŭtorka, užo zakryvaŭsia aeraport Vilni z-za zondaŭ, a na noč na sieradu dva punkty propusku.
Ułady Litvy tady kazali, što razhladajuć mahčymaść całkam zakryć miažu ŭ vyniku paŭtareńnia incydentu.
Zaraz pa stanie na 12:00 u «Kamiennym Łohu» znachodzicca 90 lehkavych aŭtamabilaŭ i 15 aŭtobusaŭ, u «Bieniakoniach» — 80 lehkavikoŭ. U abodvuch punktach propusku — 1590 hruzavych aŭtamabilaŭ.
-
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
-
Ukrainski palitołah: Drony mohuć niečakana prylacieć i ŭ minski aeraport, i na naftapierapracoŭčyja zavody
-
Cichanoŭskaja pra Babaryku i Kaleśnikavu: Nie baču prablemy, kali jany buduć raźvivać svaju partyju
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma5
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary