Kiraŭnik Akademii navuk raspavioŭ, kolki budzie kaštavać pieršy biełaruski elektramabil
U Biełarusi płanujuć naładzić masavuju vytvorčaść ajčynnych elektramabilaŭ. Staršynia Prezidyuma NAN Biełarusi Uładzimir Husakoŭ pa vynikach narady z Łukašenkam raspavioŭ, što takoje aŭto pavinna być «nie vielmi darahim».
«My stavim zadaču, kab naš biełaruski elektramabil masavaha karystańnia byŭ nie vielmi darahim. Ja siońnia (18 kastryčnika) havaryŭ u kiraŭnika dziaržavy, što heta pavinna być nie bolš jak $20-25 tysiač. Heta mienavita aŭtamabil masavaha karystańnia», — skazaŭ Husakoŭ.
Spartyŭnyja elektrakary, pa słovach navukoŭcy, buduć daražejšyja, tamu što tut idzie havorka pra nievialiki vypusk. Da taho ž, darahoj moža być navukovaja raspracoŭka, a sabiekošt i cana moža źnizicca pry najaŭnaści masavaj vytvorčaści.
Kali źjavicca masavy ajčynny elektramabil — pakul niezrazumieła. Miarkujučy pa apošnich navinkach, heta moža być zamiežnaja raspracoŭka, u jakoj biełaruskaha budzie mizier.
Kamientary