Pra zatrymańnie načalnika adździeła MTS pišuć praŭładnyja telehram-kanały, u adnym ź ich siońnia vyjšła videa ź im. Kali mužčynu zatrymali, pakul nie viadoma.
Mužčynu abvinavačvajuć u «źlivie» źviestak adminam «Čornaj knihi Biełarusi». Pavodle śćviardžeńniaŭ siłavikoŭ, sa žniŭnia 2020 hodu pa červień 2021 hoda zatrymany nibyta «źliŭ» asabistyja źviestki bolš čym 100 čałaviek.
Siłaviki pahražajuć jamu kryminalnymi artykułami, jakija praduhledžvajuć navat da 15 hadoŭ pazbaŭleńnia voli.
Pa našych źviestkach, zatrymanaha supracoŭnika MTS zavuć Alaksiej Kuźmin, jon viadomy taksama jak salist muzyčnaha hurta «Zakon huku».
Zatrymali Alaksieja siońnia zranku, pryjšli metanakiravana pa jaho. Doma ŭ jaho zrabili pieratrus.
Inicyjatyva «Čornaja kniha Biełarusi», u jakoj vykładalisia piersanalnyja źviestki siłavikoŭ, zadziejničanych u praviadzieńni represij — pakul što najbolš paśpiachovy prykład uviadzieńnia režymam svajho ahienta. Amal adrazu paśla stvareńnia «Čornaj knihi Biełarusi» da jaje dałučyŭsia supracoŭnik HUBAZiKa Artur Hajko, jaki byŭ u joj 9 miesiacaŭ, a ź ciaham času navat uznačaliŭ inicyjatyvu. Z-za hetaha paciarpieli i praciahvajuć ciarpieć dziasiatki ludziej. U pryvatnaści, za dva hady zatrymlivali mieniedžaraŭ usich biełaruskich mabilnych apierataraŭ.
Čytajcie taksama:
«Kazaŭ, što ŭ jaho maci ŭ zakładnikach i my ničoha nie razumiejem». Byłaja redaktarka ČKB pra situacyju z ahientam u kamandzie
Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje
Prakuror, supracoŭnik banka, načalnik adździeła Life. Kaho mahli zatrymlivać pa spravie «Čornaj knihi Biełarusi», dzie pracavaŭ ahient HUBAZiKa
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški3
Kamientary