Vy nie pavierycie, ale ŭ Minsku jašče zastalisia kamunalnyja kvatery. U adroźnieńnie ad Pieciarburha, u našym horadzie kamunałki zachavalisia tolki ŭ niekalkich damach. U adnym ź ich, raźmieščanym na vulicy Akademičnaj, niadaŭna vystavili na prodaž piacipakajovuju kvateru. Realt.by pahladzieŭ, jak jana vyhladaje.
Takim čynam, havorka idzie pra dom pa vulicy Akademičnaj, 23. Budynak uzvodziŭsia dla rabotnikaŭ Akademii navuk. Ad doma da ŭstanovy — usiaho sotnia mietraŭ. Uzvodziŭsia šmatkvaterny piacipaviarchovy dom u pačatku 60-ch. Ciapier tut pradajecca piacipakajovaja kvatera płoščaj 98 kvadratnych mietraŭ.
U kvatery — roŭna 5 izalavanych pakojaŭ płoščaj ad 9 da 17 «kvadrataŭ». Usie ŭvachody ŭ pakoi — z ahulnaha kalidora.
Kuchnia ŭ kvatery adna, jaje płošča składaje 11 «kvadrataŭ». Sanvuzieł u kamunałcy raździelny, nasuprać jaho raźmieščanyja 4 šafy.
Miarkujučy pa fatahrafijach, kvatera znachodzicca ŭ niadrennym stanie: u mnohich pakojach zrobleny ramont, jość azdableńnie i ŭ ahulnym kalidory.
Što da samoha doma, to ŭ im niekalki hadoŭ tamu byŭ zrobleny kapramont: budynak uciaplili, fasady pafarbavali, truby kamunikacyj zamianili.
Cikava, što kvateru pobač ź mietro možna kupić jak całkam, tak i pa asobnych pakojach.
Pakolki žyllo znachodzicca na pieršym paviersie, jano moža zacikavić pryvatny biznes: kvateru možna vyvieści z žyłoha fondu. Ahulny košt kvatery — 95 tysiač dalaraŭ.
Što tyčycca asobnaha prodažu pa pakojach, to nievialiki adramantavany pakoj płoščaj krychu bolš za 9 kvadrataŭ možna kupić za 17 tysiač dalaraŭ, a hatovy da pražyvańnia pakoj płoščaj 12 kvadratnych mietraŭ − za 22 tysiačy dalaraŭ.
Viadoma, varta adznačyć šykoŭnaje raźmiaščeńnie piacipaviarchovika. Zusim pobač — praśpiekt Niezaležnaści, park Čaluskincaŭ, Bataničny sad.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary