Rasiejskija telehram-kanały pišuć, što armija RF pačała ataku na vuhladarskim kirunku ŭ Danieckaj vobłaści. Spačatku na hetym učastku zrabiła bambardziroŭki rasiejskaja avijacyja, a zatym napierad vysunulisia padraździaleńni piachoty.
U pryvatnaści, palavy kamandzir samaabvieščanaj DNR Alaksandr Chadakoŭski paviedamlaje, što spačatku na hetym učastku zrabiła bambardziroŭki rasiejskaja avijacyja, a zatym napierad vysunulisia padraździaleńni piachoty.
Pry hetym Chadakoŭski faktyčna raskrytykavaŭ rašeńnie ab pačatku ataki. «Ja liču hetaje rašeńnie zaŭčasnym, ale spadziajusia na pośpiech», — napisaŭ jon.
U telehram-kanale «namieśnika ministra infarmacyi DNR» Daniiła Biazsonava śćviardžajecca, što ŭ rajonie Paŭłoŭki amal źniščanaja linija abarony USU.
Telehram-kanał «Staršie Edy» taksama paviedamlaje ab rasiejskaj atacy na hetym kirunku, a taksama piša, što ŭ svaju čarhu ŭkrainskija vojski ŭžyli avijacyju ŭ Čyrvonapapoŭcy (Łuhanskaja vobłaść), i robić vysnovu, što «pačałasia sustrečnaja bitva».
Vuhladar — horad prykładna za 50 km na poŭdzień ad Daniecka, jaki prykryvaje z poŭdnia pazicyi ŭkrainskich vojskaŭ u rajonie Marjinki pad Danieckam.
Ukrainskaje kamandavańnie pakul nie paćviardžała infarmacyju pra nastup rasiejskich vojskaŭ na vuhladarskim kirunku.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia18
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary