U Pieru miascovyja indziejcy zachapili ŭ zakładniki nie mienš za 70 turystaŭ, patrabujuć vyrašeńnia ekałahičnych prablem
Zachapiŭšy turystaŭ u zakładniki, pradstaŭniki karennaha nasielnictva Pieru imknucca pryciahnuć uvahu ŭrada i hramadskaści da raźlivu nafty na race Kuninika. Raniej z-za zabrudžvańnia raki naftaj zahinuli žančyna i dvoje dziaciej. Akramia pieruancaŭ, siarod turystaŭ — hramadzianie Vialikabrytanii, ZŠA, Ispanii, Francyi i Šviejcaryi.
Zachoplenyja turysty adpravilisia ŭ kruiz pa pieruanskich rekach, adnak miascovyja žychary pierakryli vodnuju kamunikacyju. Ludzi ciapier zastajucca na prahułačnych katarach; svaim svajakam jany raskazali pa telefonie, što ź imi abychodziacca dobra.
Pratestoŭcy — žychary rajona Urarynas u pravincyi Łareta. Jany patrabujuć, kab ułady spynili zabrudžvańnie miascovych rek naftaj. Apošni raźliŭ paliva tut zdaryŭsia 16 vieraśnia, kali ŭ raku Kuninika trapiła kala 2500 ton syroj nafty z paškodžanaha naftapravoda Norperuano.
Pratestoŭcy majuć namier trymać vodnaje złučeńnie zakrytym kala tydnia. Siarod turystaŭ, jakija apynulisia ŭ zakładnikach na kruiznych katarach, jość pažyłyja ludzi, ludzi ź invalidnaściu, jak minimum adna ciažarnaja žančyna i hrudnoje dzicia.
Dypłamatyčnyja viedamstvy krain, hramadzianami jakich źjaŭlajucca turysty, zapatrabavali ad pieruanskich uładaŭ pryniać miery dla vyrašeńnia kanfliktu.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary