Za vierasień i kastryčnik pa palityčnych spravach tolki ŭ Minsku zatrymali minimum 450 čałaviek
Za vierasień i kastryčnik tolki ŭ Minsku pa palityčnych administracyjnych spravach zatrymali minimum 450 čałaviek. Minimum 25 čałaviek byli adpraŭlenyja na paŭtornyja sutki, paviedamlaje telehram-kanał «Śpisy zatrymanych». Hetyja źviestki niapoŭnyja, padkreślivaje kanał.
Pierazatrymańnie — heta kali čałaviek farmalna adbyŭ sutki, vyjšaŭ z kamiery, sieŭ u bus i pajechaŭ u RUUS, dzie składajecca novy pratakoł, i čałaviek viartajecca ŭ Akreścina čakać novaha suda.
Kala 50 čałaviek byli pierazatrymanyja pa kryminalnym artykule, a značyć praviali jašče 10 sutak na Akreścina, a zatym byli pieraviedzienyja ŭ SIZA Vaładarskaha abo Žodzina da suda.
Vałanciory padkreślivajuć, što na samaj spravie zatrymanych ludziej bolš.
Pa nazirańniach pravaabaroncaŭ, u Minsku ŭ kožnym sudzie razhladajuć kala 7 takich administracyjnych spraŭ štodnia. Pry adsutnaści vałancioraŭ u sudzie, adsutnaści spraŭ u raskładzie — nichto nie viedaje dakładnaj mety sudoŭ, sutak, aryštaŭ.
Taksama vałanciory zaznačajuć, što ludzi, jakija vyjšli z Akreścina, kažuć ab pierapoŭnienych kamierach, kali ŭ pamiaškańni na 6 čałaviek siadziać 18.
U Minsku žyvie prykładna 22 pracenty nasielnictva Biełarusi. U rehijonach Biełarusi niama sietki pravaabaroncaŭ, jakaja dazvalała b źbirać choć prybliznyja źviestki pra kolkaść zatrymanych. Źviestki ź Minska dajuć padstavu mierkavać, što ŭsiaho ŭ Biełarusi za miesiac pa palityčnych matyvach zatrymlivajuć, mahčyma, bolš za tysiaču čałaviek.
-
«Prahnoz kiroŭcy — 15—16 hadzin na miažy». Pasažyry aŭtobusaŭ, što jeduć u Litvu, skardziacca na niezvyčajna doŭhaje čakańnie
-
«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy
-
Zastaŭsia biez parečak. Uładalnik hadavalnika pad Minskam — pra toje, jak nadvorje paŭpłyvała na pracu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu47
Kamientary