Były prezident Francyi Nikala Sarkazi vyzvaleny pad sudovy nahlad. Pra heta paviedamiŭ Paryžski sud.
Sud u Paryžy vyrašyŭ adpuścić byłoha prezidenta Francyi Nikala Sarkazi z turmy pad nahlad na čas razhladu apielacyi. Pra heta prasili nie tolki advakaty palityka, ale i prakuratura. Sarkazi pravioŭ u turmie Sante 20 dzion.
Sarkazi byŭ asudžany na piać hadoŭ źniavoleńnia za ŭdzieł u niezakonnym finansavańni jaho prezidenckaj kampanii 2007 hoda livijskim režymam Muamara Kadafi. Śledstva śćviardžała, što miljony jeŭra pierapraŭlalisia ŭ Paryž u čamadanach. Sam eks-prezident svaju vinu admaŭlaŭ. 21 kastryčnika jon prybyŭ u turmu adbyvać termin.
Jaho raźmiaścili ŭ adzinočnaj kamiery, u śpiecyjalnym błoku, jaki patrabuje pavyšanaj abarony. Adnak nijakich asablivych umoŭ utrymańnia dla jaho nie praduhledžana. Jamu naležyła standartnaja kamiera pamieram da 12 kv.m, z dušam, chaładzilnikam i televizaram.
Sarkazi staŭ pieršym byłym prezidentam Francyi, jaki atrymaŭ realny turemny termin. Napiaredadni źniavoleńnia, 17 kastryčnika, prezident Francyi Emaniuel Makron pryniaŭ Sarkazi u Jelisiejskim pałacy.
Kamientary