Pradstaŭnik pa adnaŭleńni zakonnaści i pravaparadku Abjadnanaha pierachodnaha kabinieta Alaksandr Azaraŭ u efiry «Jeŭraradyjo» zajaviŭ, što pretenzii da jaho i «Bajpoła» časam inśpirujucca nie tolki łukašenkaŭskim režymam, ale i «staroj» apazicyjaj.
«Jeŭraradyjo» padniała mesedž łukašenkaŭskaj prapahandy da «Bajpoła»: «Chaj stanoviacca na kaleni i kajucca pierad biełaruskim narodam za ŭsie svaje hrachi», — jaki padchoplivajuć i niekatoryja radykały-emihranty, ale interpretujuć pa-svojmu.
Azaraŭ kaža, što jamu stanavicca na kaleni niama za što: jon słužyć biełaruskamu narodu.
I niapravilna tak mierkavać, što kali ty słužyŭ u pravaachoŭnych orhanach, to ty «karnik».
«Tolki takija ludzi, jak ja, jakija raniej byli ŭ sistemie, mohuć efiektyŭna zmahacca z režymam Łukašenki», — miarkuje Azaraŭ.
«My zvolnilisia sa słužby, stracili ŭsio, što ŭ nas było, pryjechali siudy i stvaryli arhanizacyju. I my zmahajemsia efiektyŭna ź sistemaj, majem padtrymku ŭ Biełarusi», — kaža jon.
Abvinavačvańni ŭ tym, što jon karnik, jon nazyvaje «abrazaj, jakaja nie maje nijakich padstaŭ».
Na pytańnie, u čym jaho abvinavačvajuć, Azaraŭ adkazaŭ, što pretenzii da jaho i, vidać, «Bajpoła» całkam, byli ad «Chartyi-97».
«Chartyja-97» pavodzić siabie, jak heta vyrazicca, niesurjozna, miakka kažučy», — kaža jon i raspaviadaje svaju viersiju pachodžańnia kryŭdaŭ.
«Hetaja arhanizacyja chacieła nas u svoj čas kupić, «Bajpoł». Jany niekalki razoŭ zaprašali nas da siabie, prapanoŭvali hrošy i prapanoŭvali pracavać na ich. Ale kali ja ich zapytaŭ, ci jość u vas jakija resursy, ci možacie vy nam niečym dapamahčy, voś u nas jość płan «Pieramoha», nam patrebnyja resursy ludskija ŭ Biełarusi, ci jość u vas struktury jakija? Jany skazali: nie, niama. Nu, jak niama struktur, ludziej, to navošta jany nam patrebnyja? I my admovilisia. U nas było šmat sustreč. Im patrebny byŭ taki siłavik, jaki b padniaŭ «Chartyju-97» z kalen. Ja viedaju, šmat kamu jany prapanoŭvali, usie admovilisia ŭ svoj čas.
Tamu jany zataili kryŭdu. I ciapier pry kožnym vypadku starajucca ŭkusić. Nu heta kryŭda. Prosta ludzi takija».
Azaraŭ kaža, što «Chartyja-97» chacieła padniać svoj aŭtarytet, znajści novaha śpikiera, jaki vyviedzie arhanizacyju na inšuju chvalu, «bo jany tut užo 20 hadoŭ, i vynikaŭ asablivych nie vidać».
-
«Zarobak startavaŭ z $440». Biełaruski raskazali, jak pracujuć i zarablajuć na Blizkim Uschodzie
-
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
-
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka1
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka77
Kamientary