Alaksandr Łukašenka ličyć, što abstaviny prymusiać prezidenta Ukrainy Uładzimira Zialenskaha sieści za stoł pieramovaŭ z Maskvoj «praz hod-dva» paśla pačatku ŭzbrojenaj ahresii RF. Daradca kiraŭnika Ofisa prezidenta Ukrainy Michaił Padalak u kamientary «Zierkału» zajaviŭ, što ŭ rasijskich uładaŭ niama «nijakich hadoŭ». A adkazvać daviadziecca nie tolki Uładzimiru Pucinu, ale i Alaksandru Łukašenku.
Na dumku Padalaka, čarhovyja publičnyja vykazvańni Łukašenki «demanstrujuć jaho absalutnuju adarvanaść ad realnaha śvietu, nierazumieńnie pryrody i praciakańnia hetaj vajny i tradycyjnuju schilnaść da abraźlivaj pustoj bałbatni», što ŭłaściva «palitykam archaičnaha pravincyjnaha ŭzoru, što dziesiacihodździami ździekujucca sa zdarovaha sensu».
«Varta nahadać hetamu «sajuznamu siabru dziaržavy-terarysta», što vajna nie skončyłasia za «3-4 dni, jakija patrebnyja dla zachopu Kijeva». Nie praciahniecca jana i 1-2 hady. Ukraina budzie vyrašać, kali i jak pakarać ahresara. Sama ž zdahadka pra toje, što z-za hienacydnych rakietnych abstrełaŭ ukrainski narod stanie na kaleni i pačnie prasić ab kapitulacyi, lišni raz padkreślivaje kateharyčnaje niaviedańnie ŭkrainskaha naroda. Bolš za toje, miarkuju, što ŭsio hetaje dzikaje słoŭnaje bahaćcie, chutčej, paničnaja tranślacyja ŭnutranych strachaŭ samoha Łukašenki», — skazaŭ daradca kiraŭnika Ofisa prezidenta Ukrainy.
Jon ličyć, što biełaruski režym baicca projhryšu Rasii, tamu što razumieje — paśla hetaha źjavicca «masa fundamientalnych jurydyčnych pytańniaŭ da subjektaŭ, jakija prama, ŭskosna, infrastrukturna padtrymali masavyja zabojstvy mirnych hramadzian va Ukrainie».
«Dyk voś, i blizka niama «nijakich hadoŭ» u zapasie ŭ pucinskaha režymu — usio dla ich skončycca značna bolš chutka i razburalna. Taksama chutka i niečakana dla mnohich, jak była vyzvalena Charkaŭskaja vobłaść i Chierson. U adzin cudoŭny momant «rasijski akupacyjny front», jaki na čužoj ziamli zabivaje, rabuje i razburaje, imkliva abryniecca, a tyja ci inšyja subjekty, jakija dahetul vierać u svaju chitraść, pačnuć isteryčna šukać advakackija kantory, kab pasprabavać dakazać «my naohuł ni pry čym, my prachodzili mima, nas prymusili». Spadaru Łukašenku treba prosta troški pačakać pravilnaha i abjektyŭnaha finału», — dadaŭ Padalak.
***
23 listapada Alaksandr Łukašenka zajaviŭ rasijskamu telekanału «Źviezda», što, na jaho dumku, prezident Ukrainy Uładzimir Zialenski siadzie za stoł pieramovaŭ z Maskvoj «praz hod-dva» — jaho prymusiać abstaviny i ludzi.
«Pahladzicie praz hod-dva, narod jaho (Zialenskaha) budzie vinavacić: «Čamu ty zrabiŭ tak, što vajna hetaja pačałasia?» Tut pytańnie nie ŭ tym, chto maje racyju, chto vinavaty. Čamu tut u ciabie idzie vajna? Tamu voś hetaja voś situacyja budzie šturchać kiraŭnictva Ukrainy, kali jany razumnyja, da taho, kab sieści za stoł pieramovaŭ», — skazaŭ Łukašenka.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Dieło nie v briedu łukašienko, dieło v tom, čto on živiot etim briedom i zastavlajet žiť im 9 millionov ludiej.
Jeŝio vidno, čto intierv́jujerujemyj łukašienko vyhladieł psichičieskij nienormalno, hłaza žili svojej žizńju otdielno ot ostalnoho tieła.