Praryŭ u lačeńni chvaroby Alchiejmiera: novy preparat zapavolvaje raźvićcio simptomaŭ, ale moža być niebiaśpiečnym
Miljony pacyjentaŭ z chvarobaj Alchiejmiera atrymali nadzieju na vyzdaraŭleńnie. Usio dziakujučy novamu leku, jaki, kali hladzieć na vyniki vyprabavańniaŭ, upieršyniu daŭ mahčymaść zapavolić raźvićcio chvaroby.
Novy preparat maje nazvu lekaniemab i ŭvodzicca ŭnutryvienna raz na dva tydni. Zhodna z vynikami vyprabavańniaŭ, hety lek za 18 miesiacaŭ prymianieńnia zapavoliŭ raźvićcio źnižeńnia pamiaci na 27%, piša The Times.
Lekaniemab vypraŭlaje patałahičnyja źmieny ŭ mozhu, bo jon znachodzić i vydalaje ź jaho taksičny białok amiłoid. Jon nazapašvajecca ŭ ludziej z chvarobaj Alchiejmiera i ciesna źviazany ź jaje raźvićciom.
Daśledavańnie, jakoje ŭžo nazyvajuć pavarotnym i histaryčnym, pradstavili ŭ paniadziełak na vialikaj kanfierencyi viadučych navukoŭcaŭ śvietu ŭ San-Francyska. Ekśpierty ličać jaho vyniki adnym z najvialikšych praryvaŭ apošniaha času, jaki aznačaje «pačatak kanca» chvaroby Alchiejmiera i ŭsialaje sapraŭdny aptymizm u dačynieńni da taho, što z demiencyjaj možna zmahacca, a z časam možna budzie i pieramahać.
Lekaniemab zapavolvaje raźvićcio chvaroby, a nie spyniaje jaje, ale ŭsio adno heta pieršy ŭ historyi preparat, jaki daje mahčymaść niejak zapavolić paharšeńnie kahnityŭnych zdolnaściej pry demiencyi. Navukoŭcy kažuć, što vynachodnictva jaho adkryvaje šlach da novych etapaŭ u lačeńni chvaroby Alchiejmiera, jakija ŭ vyniku pryviaduć da zdolnaści całkam jaje vylečvać.
Chutka preparat mohuć uchvalić dla vykarystańnia ŭ klinikach, i jon moža źjavicca na zachodnich rynkach užo ŭ nastupnym hodzie. Inšaja reč, lekaniemab maje i surjoznyja pabočnyja efiekty. U 20% udzielnikaŭ vyprabavańniaŭ na KT mozhu byli vidać prykmiety acioku mozhu i mikraskapičnyja krovaźlićci. Miedyja paviedamlajuć pra dźvie śmierci pacyjentaŭ, što brali ŭdzieł u vyprabavańniach, tamu pakul kančatkova nieviadoma, nakolki preparat biaśpiečny.
Čytajcie taksama:
Śniacca kašmary pa načach? Heta moža być rańniaj prykmietaj demiencyi
Što pahladzieć. «Apošnija dni Ptalemieja Hreja» — jak addać usio za miesiac zvyčajnaha žyćcia
Štučny intelekt moža być zdolny dyjahnastavać demiencyju za adzin dzień
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary