«Chaču zastacca čałaviekam, a nie haŭnom». Hiendyrektarka «Doždia» prosić zvolnienych supracoŭnikaŭ viarnucca
Hiendyrektarka telekanała «Dožd́», jaki pazbavili licenzii ŭ Łatvii, Natalla Sindziejeva apublikavała videazvarot, u jakim płača i prosić viarnucca na telekanał zvolnienaha viadučaha Alaksieja Karaścialova i supracoŭnikaŭ, jakija zvolnilisia ŭśled za im, a taksama prosić prabačeńnia ŭ hledačoŭ.
Na minułym tydni Karaścialoŭ u žyvym efiry zaniepakoiŭsia, ci kamfortna rasijskim vajskoŭcam vajavać va Ukrainie. Kiraŭnictva kanała zajaviła, što žurnalista niapravilna zrazumieli, ale paźniej Karaścialoŭ byŭ zvolnieny.
Raniej kanał nieadnarazova parušaŭ zakanadaŭstva Łatvii, za što atrymlivaŭ štrafy i papiaredžańni. Siońnia źjaviłasia infarmacyja, što kanał pazbaviać licenzii.
Kamientary