Delfi.lv: Ckandał z «Doždiem» pactaviŭ pytańnie pra metazhodnaść prytułku dla apazicyjnych rasijskich ŚMI ŭ Łatvii
Skandał, jaki razhareŭsia paśla taho, jak u vypusku navin 1 śniežnia viadučy telekanała «Dožd́» Alaksiej Karaścialoŭ zajaviŭ, što kanał svajoj dziejnaściu dapamahaje rasijskim mabilizavanym atrymać «ryštunak i prosta elemientarnyja vyhody na froncie», moža mieć surjoznyja nastupstvy dla budučyni ŭsich rasijskich ŚMI, jakija na ciapierašni momant znajšli prytułak u Łatvii. Adnosna taho, što ich prysutnaść u hetaj krainie škodnaja i niepažadanaja ŭ pryncypie, užo vykazalisia šerah miascovych upłyvovych palitykaŭ i ŭstanoŭ, piša Delfi.lv.
Słužba dziaržaŭnaj biaśpieki (SDB) Łatvii pačała pravierku ŭ suviazi z vykazanymi padčas efiru telekanała «Dožd́» zajavami. Na dumku SDB, vykazvańni Karaścialova vyklikajuć padazreńni, što telekanał akazvaje dapamohu rasijskim vojskam.
SDB papiaredžvaje, što, uličvajučy złačynstvy rasijskich akupacyjnych sił suprać Ukrainy i jaje naroda, akazańnie jakoj-niebudź padtrymki Rasii jak krainie-ahresarcy niedapuščalnaje.
Słužba, jak adznačajecca, nie raz papiaredžvała adkaznyja za pryniaćcie rašeńniaŭ ustanovy i słužbovych asob, što pieranos dziejnaści niezaležnych rasijskich ŚMI ŭ Łatviju moža być źviazany z roznymi ryzykami.
Pa-pieršaje, pradstaŭniki ŚMI, jakija pryjechali z krainy-ahresarki, stvarajuć ryzyki vyviedvalnaha charaktaru. Pa-druhoje, dziejnaść pradstaŭnikoŭ rasijskich ŚMI ŭ Łatvii, na dumku SDB, źviazanaja z ryzykami dla biaśpieki łatvijskaj infarmacyjnaj prastory.
Nie adstajuć i asobnyja palityki, prytym navat vysokapastaŭlenyja. Tak, ministr abarony Łatvii Arcis Pabryks ličyć, što kalektyŭ «Doždia» pavinien viarnucca ŭ Rasiju, a supracoŭnikaŭ varta pazbavić dazvołaŭ na žycharstva.
«Čaša pierapoŭnienaja», — zajaviŭ ministr u tvitary.
Ministr zamiežnych spraŭ Edhar Rynkievič abmierkavaŭ situacyju sa słužbaj dziaržaŭnaj biaśpieki i kiraŭnikom Nacyjanalnaj rady elektronnych ŚMI Ivaram Abalińšam, i ciapier viadziecca pravierka, paviedamiŭ daradca ministra Marcińš Drehiers. Jon padkreśliŭ, što padtrymka rasijskaj ahresii ŭ luboj formie nieprymalnaja.
Daradca ministra dadaŭ, što paśla pravierki faktaŭ uśled pojduć adpaviednyja dziejańni.
Staršynia kamisii Siejma pa pravach čałavieka i hramadskich spravach Dzidzis Šmits zajaviŭ, što kamisija jašče nie abmiarkoŭvała hetaje pytańnie, adnak jon ličyć, što Łatvija nie pavinna prymać rasijskija ŚMI.
«Kali rasijski ŚMI vystupaje suprać režymu Pucina, heta nie aznačaje, što jon družalubny da nas», — skazaŭ parłamientaryj.
Čytajcie taksama:
Telekanał «Dožd́» zvolniŭ viadučaha, jaki raspavioŭ u efiry pra dapamohu mabilizavanym
U Łatvii telekanał «Dožd́» aštrafavali na 10 tysiač jeŭra
U efiry «Doždia» spytali, ci kamfortna vajavać rasijanam va Ukrainie. A potym zajavili, što ich nie tak zrazumieli
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie22
Kamientary