Washington Post: Nadzieja Ukrainy na viartańnie Kryma niečakana zrabiłasia praŭdapadobnaj. Ale płata moža być vysokaj
Deakupacyja Kryma moža pryvieści da vykarystańnia prezidentam Rasii Uładzimiram Pucinym jadziernaj bomby, a niavyrašanaść pytańnia paŭvostrava moža pryvieści da dziesiacihadovaha kanfliktu, piša The Washington Post.
Nadzieja Ukrainy na viartańnie Kryma doŭhi čas zdavałasia nadumanaj fantazijaj, ale niadaŭnija pieramohi Kijeva na poli boju i pamyłki Maskvy niečakana zrabili jaje praŭdapadobnaj — mahčyma, navat niebiaśpiečnaj, pierakazvaje tezisy artykuła «Ukrainskaja praŭda».
Zachad, padtrymlivajučy Ukrainu, aścierahajecca, što luboje ŭkrainskaje vajennaje ŭvarvańnie ŭ Krym moža padšturchnuć Pucina da radykalnych dziejańniaŭ, patencyjna navat da vykarystańnia jadziernaj bomby.
Niekatoryja zachodnija čynoŭniki spadziajucca, što pahadnieńnie ab pieradačy Kryma Rasii moža stać asnovaj dla dypłamatyčnaha zakančeńnia vajny.
Ukraincy adkidajuć hetuju ideju jak niebiaśpiečna naiŭnuju, a rasieijanie zajaŭlajuć, što jany nie pahodziacca addać toje, što ŭžo naležyć im.
WP ličyć, što admova luboha boku adstupić pahražaje pieratvaryć vajnu ŭ dziesiacihodździ kanfliktu, jak u siektary Haza abo Nahornym Karabachu.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
Toto, umolaju, nie vydavajtie žiełajemoje za diejstvitielnoje. Osvoboždienije bołot možiet byť principialnym voprłsom liš dla umališionnych. Amierikie eto točno nie nužno. Ludiej na bołotie, pochodu, status-kvo ustraivajet tožie.