Sup z zapiečanych pamidoraŭ z bulbaj u syry — aryhinalny abied z prostych inhredyjentaŭ

Kab zhatavać sup z zapiečanych pamidoraŭ z bulbaj u syry, vam spatrebicca:

• 4 bulbiny (biarycie vialikija i doŭhija)
• 2 kiłahramy vialikich i doŭhich pamidoraŭ, razrezanych napałovu
• trochi masła
• 2 stałovyja łyžki śmiatany
• maleńki pučok zialonaj cybuli (drobna jaje parežcie)
• 200 hramaŭ kazinaha syru ci rykoty (možacie zamianić na miakki tvaroh)
• 1 uźbitaje kurynaje jajka
• 1 hałoŭka časnaku, razrezanaja napałovu haryzantalna
• 2 vialikija čyrvonyja cybuliny, ačyščanyja i razrezanyja na čatyry častki
• niekalki halinak śviežaha čaboru (ci suchi čabor na vybar)
• 2 stałovyja łyžki aliŭkavaha aleju
• sol i mołaty čorny pierac
• 250 mililitraŭ bulonu z harodniny (pa žadańni)
• 100 mililitraŭ viarškoŭ z 10—20 pracentami tłušču (pa žadańni)
• niekalki kropiel vusteršyrskaha sousu (pa žadańni)
• niekalki kropiel balzamičnaha vocatu (pa žadańni).

1. Razahrejcie duchoŭku da 190 hradusaŭ.
2. Zapiakajcie bulbu prosta na rašotcy duchoŭki na praciahu 90—115 chvilin ci da hatoŭnaści.
3. Tym časam pakładzicie pamidory, časnok, čyrvonuju cybulu i čabor (kali vykarystoŭvajecie śviežy) u vialikuju formu dla zapiakańnia i prypraŭcie na smak sollu i mołatym čornym piercam. Apyrskajcie alejem i zapiakajcie ŭ duchoŭcy 40—50 chvilin. Dastańcie z duchoŭki i adstaŭcie ŭbok, kab astudzić.
4. Razamnicie časnok tylnym bokam videlca i zdymicie skuru. Pierakładzicie zapiečanyja pamidory, cybulu, časnok i čabor u kuchonny kambajn ci błendar i zdrabnicie da adnarodnaści.
5. Kali sup zanadta husty, pieralicie jaho ŭ vialikuju kastrulu i raźviadzicie bulonam ci viarškami. Kali žadajecie, dadajcie krychu vusteršyrskaha sousu ci balzamičnaha vocatu.
6. Dastańcie bulbu z duchoŭki i, utrymlivajučy haračuju bulbinu kavałkam tkaniny ci survetkaj, razrežcie kožnuju napałovu i dastańcie ź jaje miakać. Źbiarycie miakać z usich bulbin u asobnaj miscy.
7. Dadajcie da bulbianoj miakaci masła, śmiatanu, zialonuju cybulu i syr, pieramiašajcie. Dadajcie tudy ž uźbitaje jajka, znoŭ pieramiašajcie.
8. Prypraŭcie na smak sollu i mołatym čornym piercam, pakładzicie sumieś u vyjemki ŭ bulbinach. Pakładzicie bulbiny na blachu i vypiakajcie ich u duchoŭcy 15—20 chvilin ci pakul bulba nie stanie załacista-karyčnievaj i nie pakryjecca chrumstkaj koračkaj.
9. Pierad padačaj razahrejcie sup i raźlicie jaho pa talerkach (pavinna atrymacca čatyry porcyi). Padavajcie kožnuju porcyju ź dźviuma pałavinkami bulby.

Recept na vychadnyja. Sup-piure z batatu — lohkaja ŭ hatavańni ekzotyka

Chočacie zachoŭvać jabłyki doma? Voś jak heta rabić, kab jany nie zhnili

Recept na vychadnyja. Kieks z buraka — niezvyčajna i niečakana smačna

• 7
• 0
• 1
• 0
• 1
• 2
• 2
• 0