U subotu, 17 śniežnia, biełaruski opierny i kancertny baryton Illa Silčukoŭ razam ź pijanistkaj Taćcianaj Łojša dajuć vialiki kaladny dabračynny kancert «Hołas majoj ziamli» ŭ Bostanie, piša Reform.by.
Prahrama «Čatyry stahodździ biełaruskaj muzyki» paznajomić hledačoŭ sa šmatviakovaj historyjaj biełaruskaj i ŭschodniejeŭrapiejskaj muzyki. Prahučyć siaredniaviečnaja i duchoŭnaja muzyka nieviadomych uschodniejeŭrapiejskich aŭtaraŭ XVII stahodździa, a taksama tvory vybitnych kampazitaraŭ: Stanisłava Maniuški, Franca Šubierta i Michała Kleafasa Ahinskaha.
Zaviaršajecca prahrama abranymi pieśniami biełaruskich kampazitaraŭ i paetaŭ XX stahodździa: Uładzimira Teraŭskaha, Symona Rak‐Michajłoŭskaha, Janki Kupały i Maksima Bahdanoviča.
Prahrama budzie dublavacca na anhlijskaj movie.
Illa Silčukoŭ vystupaje na samych prestyžnych scenach śvietu. U 2020 hodzie, paśla falsifikavanych vybaraŭ i žorstka padaŭlenych masavych pratestaŭ, śpiavak staŭ prykmietnym hołasam u biełaruskaj baraćbie za demakratyju i byŭ vymušany biehčy ź Biełarusi.
Taćciana Łojša — biełaruskaja pijanistka. Jana skončyła Biełaruskuju akademiju muzyki i pracavała pa ŭsioj Jeŭropie i ŭ Złučanych Štatach. Paśla pierajezdu ŭ ZŠA ŭ 2014 hodzie Taćciana pracavała pijanistkaj u Kliŭlendskim instytucie muzyki, Univiersitecie Bołduina Uolesa, Kliŭlendskim opiernym teatry, Opera Nova, Merylendskaj liryčnaj opiery i Instytucie vakału Patomaka.
Kancert adbudziecca 17 śniežnia ŭ 18:00 (čas miascovy). Adras: Distler Performance Hall, 20 Talbot Avenue Medford, MA 02155 United States.
Kvitki koštam 35 dalaraŭ dla darosłych i 15 dalaraŭ dla dziaciej da 16 hadoŭ možna nabyć pa spasyłcy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary