Vajna99

Ukrainski F-16 źbiŭ rasijski Su-35 dziakujučy dapamozie šviedskaha samalota

Ukraina atrymała histaryčnuju pieramohu ŭ pavietry: upieršyniu ŭ historyi zachodni F-16 źbiŭ rasijski źniščalnik Su-35S.

Na fota: amierykanski F-16 (źleva), rasijski Su-35 (sprava)

Boj adbyŭsia nad paŭnočnym uschodam Ukrainy: u ramkach abarony Sumskaj vobłaści ŭkrainskija VPS vykarystoŭvali bajavyja samaloty dla bambavańnia rasijskich pazicyj unutry krainy i ŭ susiedniaj Kurskaj vobłaści.

U adkaz rasijskija VKS nakiravali ŭ boj svoj vysokatechnałahičny źniščalnik Su-35, kab źbić ukrainskija samaloty.

Adnak piłot nie viedaŭ, što traplaje ŭ zasadu: razam z amierykanskim F-16 u pavietra padniaŭsia šviedski samalot Saab 340 AEW&C, jaki zasiok Su-35 jašče za 200—300 km da miažy i pieradaŭ kaardynaty F-16, piša infarmavanaje niamieckaje vydańnie Bild.

Amierykanski źniščalnik zapuściŭ rakietu AIM-120, i Su-35 byŭ źbity za 16 km ad miažy na terytoryi Rasii — niedaloka ad haradka Koranieva ŭ Kurskaj vobłaści. Piłot katapultavaŭsia. Ukrainskija źniščalniki viarnulisia na bazu biez strat.

Na płatformie X kanadski piłot i avijaekśpiert Mark Bruks pachvaliŭ kaardynacyju zachodnich sistem uzbrajeńnia:

«Štuka nie tolki ŭ F-16 — sapraŭdnym hiejmčejndžaram stała šviedskaja sistema AWACS, jakaja raspaznaje rasijskija samaloty za sotni kiłamietraŭ i nakiroŭvaje rakiety F-16 u realnym časie. Su-35 navat nie viedaŭ, što jaho atakujuć».

Avijacyjny kanał Air Power taksama adznačyŭ na X histaryčnaje značeńnie hetaha sutyknieńnia zachodniaj i rasijskaj techniki:

«Kali infarmacyja paćvierdzicca, heta budzie pieršy pavietrany boj z udziełam ukrainskaha «Vajpiera» (F-16). Što jašče bolš važna: rasijski «Fłankier» byŭ źbity hałandskaj madyfikacyjaj F-16AM — madellu, jakuju mnohija ŭžo ličyli sastarełaj». Ciapier na ŭzbrajeńni asnoŭnych krain NATA stajać užo samaloty nastupnaha pakaleńnia, F-35.

Kamientary9

  • Hadziuka ŭžaliła fłankiera
    08.06.2025
    Leta ž pačałosia, hadziuki aktyŭničajuć.
  • Paliašuk
    08.06.2025
    Efiekt ad "Pavucińnia" nie prymusiŭ čakać: niama a-50, i ŭkrainskija VPS atrymali pieravahu ŭ pavietranaj vyviedcy. Było b bolej srodkaŭ SPA - rakietny i BPŁA teror byŭ by niejtralizavany. A pakul łapidar nat za hrošy nie pieradaje bolej sistem Patriot, datul budzie zabojstva i razbureńnie.
  • Vij
    09.06.2025
    VSU oprovierhli etu viersiju. SU był śbit s pomoŝju ZRK.

Ciapier čytajuć

U Biełarusi krytyčna padaje naradžalnaść. A jak u susiednich krainach?14

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

U Navapołacku RPC adkryje śpiecyjalny chram dla dziaciej3

U Biełarusi ŭvodziać novyja valutnyja abmiežavańni2

Pašynian zaklikaŭ pazbavić pasady Katalikosa ŭsich armian, bo ŭ taho znajšłosia dzicia2

Naściu Rybku prymusili vybačacca za rolik u instahramie. Padpisčyc razzłavała jaje videa z Pucinym13

«Pažyvi ŭ maim domie»: Usik zaprasiŭ Trampa va Ukrainu na tydzień3

U Ałmaty zasnavalnik «biaśpiečnaj ŁHBT-prastory» zhvałciŭ svajho padnačalenaha, pakul toj spaŭ8

Orban: Ruskija razumiejuć tolki movu siły, ale Rasija — nie pahroza dla NATA, bo nie moža spravicca navat z Ukrainaj7

Vyhuł sabak staŭ formaj pratestu ŭ Iranie3

Minhandlu znajšło aŭtara pravakacyjnych upakovak «Sasi žuj» u kramach11

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?14

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić