Schiema machlarstva pačałasia z telefonnaha zvanka, dzie žančynie paviedamili, što jaje telefon budzie adklučany z-za zakančeńnia terminu dziejańnia damovy z «Biełtelekamam», paviedamiŭ SK.
Kab hetaha paźbiehnuć, joj prapanavali pradstavić svaje pašpartnyja danyja dla praciahu damovy.
Paśla hetaha joj patelefanavaŭ «supracoŭnik Śledčaha kamiteta», jaki paviedamiŭ, što ŭ apošni čas nazirajecca šmat vypadkaŭ machlarstva ŭ dačynieńni da piensijanieraŭ, i pacikaviŭsia, ci jość u jaje źbieražeńni. Zatym jon skazaŭ, što dapamoža zachavać jaje nakapleńni i paraiŭ čakać zvanka ad «pradstaŭnika Nacyjanalnaha banka».
Hety «śpiecyjalist» prapanavaŭ «zadekłaravać» usie hrošy, pieradaŭšy ich davieranamu čałavieku na prypynku. Piensijanierka sabrała bolš za 330 tysiač rubloŭ i vykanała ŭkazańnie. Machlary padtrymlivali ź joj suviaź da momantu pieradačy hrošaj, paśla čaho patrabavali maŭčać, spasyłajučysia na «pošukavyja mierapryjemstvy».
Žančynie stała zrazumieła, što jana stała achviaraj machlarstva, tolki na nastupny dzień, kali jaje nakapleńni nie viarnulisia, a zvanki spynilisia. Pa fakcie machlarstva zaviedziena kryminalnaja sprava pa častcy 4 artykuła 209 (machlarstva ŭ asabliva bujnym pamiery) Kryminalnaha kodeksa Respubliki Biełaruś.
Ciapier čytajuć
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem2
Kamientary
PS A kab pačała ź imi razmovu pa-biełarusku, ničoha b nie straciła. Kolki mnie machlary telefanavali, usie advalilisia.