Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi
«Zdali historyju. Idziom zalivacca siońnia. Pajšła nach*j, s*ka, heta historyja ja**naja».
U tyktoku źjavilisia videa, na jakich biełaruskija dzieci rvuć ekzamienacyjnyja bilety pa historyi Biełarusi. Šmat chto supravadžaje heta łajankaj.
Tak stała papularnym videa, na jakim, jak śćviardžajecca, vučni staličnaj škoły №175 ź nieprychavanaj nianaviściu raździrajuć brašury z ekzamienacyjnymi pytańniami. «Zdali historyju. Idziom zalivacca siońnia. Pajšła nach*j, s*ka, heta historyja ja**naja», — kaža chłopiec.
Praź niekatory čas źjaviłasia videa z vybačeńniami ŭ tradycyjnym «pakajannym» styli. Chłopcy — Pavieł i Daniła — prynieśli pa hvaździku da manumienta Pieramohi.
«Ja chaču paprasić prabačeńnia za toje, što parvaŭ bilety pa historyi Biełarusi. Ščyra kažučy, u toj momant ja nie dumaŭ, što heta niešta bolšaje, čym prosta školnyja ekzamienacyjnyja bilety. Ja nie ŭsprymaŭ heta jak častku historyi Biełarusi ci jak niešta važnaje. Dla mianie heta byŭ prosta stres, strach pierad ekzamienam i stomlenaść. Ja razumieju, što zrabiŭ niapravilna.
Ja nikoha nie chacieŭ abrazić i, tym bolš, prajavić niejkuju niepavahu da svajoj krainy, i nie dumaŭ, što heta moža być uspryniata tak surjozna. Ja ŭśviadomiŭ svaju pamyłku, i mnie vielmi soramna, i mnie vielmi škada, što ja takoje ŭčyniŭ», — kaža Pavieł.
«Ja prašu prabačeńnia za svoj učynak, za toje, što ja parvaŭ bilety pa historyi Biełarusi. Ja nijak nie chacieŭ abrazić historyju našaj krainy. Ja vielmi pavažaju svaich prodkaŭ, usich hierojaŭ vajny. Mnie vielmi škada za zroblenaje. Ja zrabiŭ vysnovy i nadalej budu dumać, pierš čym niešta rabić», — dadaje Daniła.
Miž tym u siecivie — kala dziasiatka takich videa.
Adno ź ich — ad dźviuch dziaŭčynak. «Historyju Biełarusi — u pi**u», — ź nianaviściu kaža adna ź ich.
Videa źniata na fonie Drazdoŭ, mahčyma, dziaŭčaty, jakija vučacca ci žyvuć u hetym rajonie, — dočki čynoŭnikaŭ ci biźniesmienaŭ.
-
Mahistratura ŭ Jeŭropie — vydatny šaniec atrymać jeŭrapiejskuju adukacyju i zastacca žyć i pracavać u Jeŭrasajuzie. Što treba dla pastupleńnia
-
Biełarusam stała składaniej lehalizavacca ŭ Polščy — tam bolš nie prymajuć vydadzienyja ŭ BSSR dakumienty i patrabujuć apastyli
-
Coj pryvioŭ da Bahdanoviča: japonski advakat raspavioŭ, jak zacikaviŭsia biełaruskaj kulturaj i vyvučyŭ movu
Kamientary