Hramadstva

Škoły i himnazii pačynajuć pryjom u pieršyja kłasy

Siońnia biełaruskija škoły i himnazii pačynajuć pryjom dakumientaŭ ad baćkoŭ budučych pieršakłaśnikaŭ, paviedamlaje BiełTA.

Fota: BiełTA

Pryjom dakumientaŭ dla zaličeńnia ŭ 1-ja kłasy dziaciej, što pražyvajuć na terytoryi mikrarajona, zamacavanaha za ŭstanovaj adukacyi, ažyćciaŭlajecca z 12 červienia pa 15 žniŭnia.

Baćki budučych pieršakłaśnikaŭ padajuć zajavu na imia dyrektara škoły, miedycynskuju daviedku ab stanie zdaroŭja dziciaci i paśviedčańnie ab naradžeńni.

U hetyja ž terminy kiraŭnikom ustanovy adukacyi abo asobaj, jakaja vykonvaje jaho abaviazki, prymajucca zajavy na volnyja miescy ad baćkoŭ dziaciej, jakija nie pražyvajuć u zamacavanym mikrarajonie. Pryjom takich dziaciej na svabodnyja miescy ŭ škoły i himnazii budzie prachodzić u paradku čarhovaści rehistracyi zajaŭ ad ich zakonnych pradstaŭnikoŭ.

Astatnija dakumienty, u vypadku, kali budzie pryniata stanoŭčaje rašeńnie ab pryjomie dziciaci ŭ škołu, nieabchodna padać z 16 žniŭnia pa 28 žniŭnia.

Treba pamiatać, što dzieci, jakija pražyvajuć u mikrarajonie ŭstanovy adukacyi, majuć pieravažnaje prava pry pastupleńni ŭ 1-y kłas.

Akramia taho, siońnia pačynajecca pryjom dakumientaŭ u 10-ja kłasy biełaruskich škoł i himnazij. Jon praciahniecca pa 17 žniŭnia.

Baćki padajuć paśviedčańnie ab naradžeńni abo dakumient, jaki śviedčyć asobu dziciaci, miedycynskuju daviedku ab stanie zdaroŭja, aryhinał paśviedčańnia ab ahulnaj bazavaj adukacyi, dakumienty, što paćviardžajuć prava na ilhoty pry pastupleńni ŭ profilny kłas (pry ich najaŭnaści).

U novym navučalnym hodzie ŭ Biełarusi buduć pracavać 2627 škoł, da vučebnych zaniatkaŭ u jakich prystupiać kala 1,05 młn navučencaŭ, u tym liku 90 tys. pieršakłaśnikaŭ.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu3

Tramp: 17 sistem Patriot adpravim va Ukrainu

Usie naviny →
Usie naviny

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

Pucin papiaredziŭ Trampa, što ŭ nastupnyja 60 dzion płanuje čarhovy nastup na ŭschodzie Ukrainy5

Sabalenka adarvałasia ŭ rejtynhu na hihanckija 4750 bałaŭ5

bolš čytanych navin
bolš łajkanych navin

Tramp: 17 sistem Patriot adpravim va Ukrainu3

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić