Litoŭski parłamient zabaraniŭ biełarusam i rasijanam, jakija žyvuć u Litvie, vałodać zbrojaj
U čaćvier litoŭski Siejm paśla adpaviednaha razhladu ŭchvaliŭ prajekt Zakona ab kantroli nad zbrojaj i bojeprypasami, u jakim prapanujecca zabaranić rasijanam i biełarusam, jakija žyvuć u Litvie, mieć zbroju. Staršynia Kamiteta nacyjanalnaj biaśpieki i abarony (KNBA) Łaŭrynas Kaščunas śćviardžaje, što inicyjatyva nakiravanaja na maksimalnaje pavyšeńnie biaśpieki Litvy, piša Delfi.lt.
Za zakonaprajekt prahałasavali 106 členaŭ Siejma, suprać nichto nie hałasavaŭ, ustrymalisia 10 parłamientaryjaŭ.
Ctaršynia KNBA padkreśliŭ, što adna z metaŭ hetaha zakonaprajekta — dać mahčymaść pryvatnym handlaram zbrojaj pradavać zbroju katehoryi A, jakuju ŭ ciapierašni čas dazvolena ŭ hramadzianskim abaračeńni.
Ciapier biełarusy i rasijanie nie zmohuć u Litvie kuplać i vałodać zbrojaj dla palavańnia; sportu; samaabarony; prafiesijnaj dziejnaści; kalekcyjanavańnia; trenirovak; navukovych daśledavańniaŭ; strałkovaj słužby abo prafiesijnaj vajskovaj słužby; inšych metaŭ.
Zakon ustupić u siłu z 1 studzienia 2023 hoda.
U tłumačalnaj zapiscy da dakumienta paznačana, što ŭ ciapierašni čas dazvoł na zachoŭvańnie abo našeńnie zbroi ŭ Litvie majuć 294 hramadzianie Rasii i 46 hramadzian Biełarusi. Siarod ich mohuć być i asoby z dvajnym hramadzianstvam — litoŭskim i rasijskim ci litoŭskim i biełaruskim.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary