Kultura22

«Kupałaŭcy» ŭ Varšavie pakažuć premjeru «Sfahnum» pavodle ramana Viktara Marcinoviča

Volnaja teatralnaja hrupa «Kupałaŭcy» zaviaršaje hod premjeraj śpiektakla «Sfahnum» pavodle ramana biełaruskaha piśmieńnika Viktara Marcinoviča. Premjera adbudziecca 22 śniežnia ŭ Varšavie na scenie «Pieradavik» Dramatyčnaha teatra (Teatr Dramatyczny) pa adrasie ul. Olesińska, 21.

«Praca dapamahaje nam być bližej adno da adnaho, adčuvać vašu padtrymku, raśsiejvaje ciemru i doryć nadzieju na vychad z adviečnaj bahny. Ci navat na samu pieraacenku hetaj źjavy. U hetym śniežni my zaciahniem vas u naša bałota», — anansujuć novuju pracu artysty.

Roli ŭ «Sfahnumie» vykonvajuć: Siarhiej Čub, Mikałaj Stońka, Alaksandr Zielanko, Alaksandr Kazieła, Aleh Harbuz, Michaś Zuj, Zoja Biełachvościk, Alaksandr Harcujeŭ, Valancina Harcujeva, Kaciaryna Javorskaja, Ihar Sihoŭ. Scenahrafija, kaściumy — Alaksandra Kanarska.

Režysior, aŭtar insceniroŭki — Alaksandr Harcujeŭ. Aŭtar pierakładu ramana na biełaruskuju movu — Viktar Ryžkoŭ.

U śpiektakli budzie vykarystana muzyka Michała Kleafasa Ahinskaha, Antonia Vivaldzi, Žana-Marka Birkholca, Alaksandra Zielanko, Dźmitryja Fryhi.

«Sfahnum» — heta suma nazirańniaŭ za tym, jak dziŭna ŭsio ŭładkavana ŭ sučasnaj Biełarusi, sfarmulavanaja ŭ nie zusim cenzurnaj formie. Heta nie śpiektakl pra viosku. Heta nie śpiektakl pra bałota. Heta śpiektakl pra absurd, u jaki pahruziłasia Biełaruś», — adznačajecca ŭ anatacyi da pastanoŭki.

«Što značyć sfahnum? Sfahnum — heta bałotnaja raślina, tarfiany moch. Jak kaža adzin z hierojaŭ pjesy: «Tut ź jaho ŭsio, pahladzicie pad nohi: kupiny — žyvy sfahnum, torf — pierahniły sfahnum. Partyzany suchi sfahnum brali zamiest bintoŭ i vaty. A ludzi miascovyja, kali chaty budujuć, sfahnum miž biarvieńnia kładuć, kab ciopła było. A jašče jon haryć dobra. Sfahnum — leki, sfahnum — pavietra, sfahnum — ahoń, sfahnum — vada, sfahnum — ziamla pad nahami. Usia kraina — sfahnum».

Anłajn-tranślacyja śpiektakla budzie dastupnaja na YouTube-kanale «Kupałaŭcy» ŭ dzień premjery ŭ 21.00 pa Minsku.

Pastanoŭka była ažyćcioŭlena pry padtrymcy Teatralnaha instytuta imia Źbihnieva Rašeŭskaha, Dramatyčnaha teatra Varšavy, Fonda «Tutaka», Muzieja Volnaj Biełarusi i finansavaj dapamozie Stabilizacyjnaha fondu.

Usie padrabiaznaści — na staroncy «Kupałaŭcy» ŭ sacsietkach. Padtrymać teatr u vyhnańni možna tut.

Kamientary2

  • Alen
    18.12.2022
    Čakajem i spadziajemsia što pastaviać jašče Hražynu i Konrad Valenrod, adzinyja ź Mickieviča tvory, jakija jašče nie stavilisia. Kali nie Kupałaŭcy, to CHTO? Nie baču dastojnych
  • Alek. Ru
    18.12.2022
    Zaŭždy ciešusia, kali atrymlivaju pazityŭnuju infarmacyju pra volnych kupałaŭcaŭ. Najlepšyja aktory Biełarusi vymušany pakazvać śpiektakli za miažoj, i heta čarhovaja hańba škłoŭskaha navuka.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Usie naviny →
Usie naviny

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad9

Hirkin nazvaŭ mahčymyja kirunki nastupnych ukrainskich udaraŭ6

U Minsku ŭžo źjaviłasia novaja siniaja raźmietka1

Na parad u Hrodnie vyvieli kazu. Ź joj akazałasia składaniej, čym ź ludźmi VIDEA10

Što viadoma pra biełarusa Andreja Sakałoŭskaha-Stankieviča, jakoha aryštavali ŭ Rasii i abvinavačvajuć u padrychtoŭcy dyviersii2

bolš čytanych navin
bolš łajkanych navin

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić