Biełaruskaj niezaležnaj kultury dali 2 miljony jeŭra. Na što jany pojduć?
Biełaruskaja rada kultury pradstaviła prajekt ArtPower Belarus, na jaki Jeŭrasajuz vydzialiŭ 2 miljony jeŭra. Heta pieršy raz, kali biełaruskaja demakratyčnaja supolnaść atrymlivaje ad ES dapamohu na kulturu ŭ takim pamiery.
Prajekt ArtPower Belarus robić Biełaruskaja rada kultury ŭ supracy z Dackim instytutam kultury. Datčanie zabiaśpiečać prazrystaść prajekta, jakasnuju spravazdaču pa im i finansavaje kiravańnie.
Jak buduć raźmiarkoŭvacca hrošy? Rada kultury abiacaje publična raźmiaščać pałažeńni konkursaŭ, u jakich budzie prapisana, kudy, jak i ŭ jakoj formie padavać zajaŭki na hrant. Potym kožny konkursny prajekt budzie aceńvacca nie mienš jak dvuma niezaležnymi ekśpiertami, jakija nie naležać da Rady kultury i nie źviazanyja z tymi, chto padaje zajaŭki.
Buduć i małyja prajekty, i bolš vialikija, vierchniaja miaža dla vialikich — 60 tysiač jeŭra. Taksama hrošy pojduć na zabieśpiačeńnie pytańniaŭ mabilnaści — padarožžaŭ tvorcaŭ u halinie kultury.
Jak raskazvaje raspracoŭščyca prajekta Taćciana Pašavałava, u miežach ArtPower Belarus Rada kultury stvaraje ŭ Vilni Resursny centr — prastoru dla kamunikacyi. I heta nie ŭsio: «My taksama płanujem pravieści kurs padrychtoŭki mieniedžaraŭ kultury, štohod ažyćciaŭlać mižnarodnyja kulturnickija kanfierencyi dy rychtavać rehularnyja analityčnyja spravazdačy. Peŭny adsotak ad hrošaj prajekta raźličany na ekstrannuju dapamohu pradstaŭnikam kultury».
ArtPower Belarus raźličany na 28 miesiacaŭ. Mierkavana, pieršaja zajaŭka na hrant źjavicca ŭžo ŭ studzieni, kali pastupiać pieršyja hrošy ad Jeŭrasajuza. Jak tłumačyć kiraŭnik Biełaruskaj rady kultury Siarhiej Budkin, padčas prajekta treba realizavać jak minimum 100 hrantaŭ pa mabilnaści i kala 50 prajektaŭ konkursnaha płana.
Stvaralniki prajekta padkreślivajuć, što prydumany jon jak dla biełaruskich dziejačaŭ kultury, tak i dla ich aŭdytoryi, i ŭdzielničać u prajekcie mohuć jak tvorcy, što za miažoj, tak i tyja, chto znachodzicca ŭnutry krainy. Pakul što ciažka raźličyć, jakim čynam artysty ŭnutry Biełarusi zmohuć atrymać hetyja hrošy, ale ž hałoŭnaje ŭ hetym — čałaviečaja biaśpieka. Taćciana Pašavałava razvažaje: «I dla tvorcaŭ, i dla biełaruskich dziejačaŭ kultury vialiki vyklik — znajści srodki, mahčymaści, kanały, kab biełarusy ŭnutry Biełarusi mahli hladzieć, čytać ci niejak jašče atrymać toje, što robić biełaruskaja kultura».
Pašavałava taksama raskazvaje padrabiaźniej pra kryteryi adboru prajektaŭ:
«Pry inšych roŭnych umovach pryjarytet — tym, chto znachodzicca ŭnutry Biełarusi, jašče pytańnie ŭ pamiery prajekta.
5% biudžetu my možam patracić na terminovyja prajekty. Taksama my možam davać hrošy nie tolki na tvorčy prajekt, ale i na padtrymku arhanizacyi, kab jana vyžyła: na arendu pamiaškańnia, buchhałteryju i hetak dalej. To-bok kryteryi ŭ zajaŭcy pastaŭlenyja vielmi šyrokija».
U radzie patłumačyli taksama, jak budzie ažyćciaŭlacca kantrol za srodkami. Jašče na etapie padačy zajaŭki zakładzienyja srodki na źniešniuju acenku i aŭdyt. Vyniki aŭdytu buduć publičnyja.
«Jeŭrapiejskaja kamisija kantraluje raschodavańnie srodkaŭ niekalkimi manitorynhavymi instrumientami. Heta i manitorynhi padčas realizacyi, i paśla zaviaršeńnia prajekta. Taksama pravodzicca šerah manitorynhaŭ acenki ŭpłyvu prajektaŭ».
«Naša Niva» — bastyjon biełaruščyny
PADTRYMAĆ«Padparadkavacca hetamu strachu — značyć prajhrać». Apošniaje intervju Alaksieja Strelnikava
Vyjšaŭ jaskravy klip pra supierzorku Francyska Skarynu VIDEA
Velum z kalučaha drotu — epatažnaja mastačka pryśviaciła pracu palitviaźniam
Ciapier čytajuć
Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali18
Kamientary