U Rasii anansavali na 2023 hod novyja supolnyja ź Biełaruśsiu maštabnyja vajskovyja vučeńni
Načalnik Hienieralnaha štaba Uzbrojenych sił Rasii, pieršy namieśnik ministra abarony Valeryj Hierasimaŭ zajaviŭ, što ŭ nastupnym hodzie na supolnyja ź Biełaruśsiu vajskovyja vučeńni płanujuć zaprasić vajskovyja kantynhienty ź inšych krain-partniorak. Vučeńniaŭ płanujecca pravieści dva.

«U nastupnym hodzie asnoŭnymi mierapryjemstvami padrychtoŭki Uzbrojenych sił stanuć manieŭry vojskaŭ i siłaŭ «Zachad-2023» i supolnyja apieratyŭnyja vučeńni Uzbrojenych sił Respubliki Biełaruś i Rasijskaj Fiederacyi «Ščyt Sajuza — 2023», — paviedamiŭ Valeryj Hierasimaŭ na bryfinhu dla vajskovych ataše zamiežnych dziaržaŭ.
Pavodle jaho, dla supolnych dziejańniaŭ u składzie Kaalicyjnaj hrupoŭki vojskaŭ «na manieŭry praduhledžvajecca zaprasić vajskovyja kantynhienty z uzbrojenych sił krain dziaržaŭ-partniorak». Jakija mienavita heta buduć dziaržavy, Hierasimaŭ nie ŭdakładniŭ.
U kancy 2021-ha i pačatku 2022 hoda Rasija pravodziła supolnyja ź Biełaruśsiu vučeńni «Sajuznaja rašučaść», jakija skončylisia ŭvarvańniem va Ukrainu 24 lutaha, u tym liku i z terytoryi Biełarusi.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Kamientary
chana bałkončyku