Armienija moža kančatkova vyjści z Arhanizacyi Dahavora ab kalektyŭnaj biaśpiecy (ADKB), kali ŭdzielniki, u tym liku Rasija, nie vykažuć vyraznaj palityčnaj pazicyi adnosna dziejańniaŭ Azierbajdžana. Pra heta zajaviŭ namieśnik ministra zamiežnych spraŭ Armienii Vaan Kastanian.
Pavodle słoŭ armianskaha ministra, Jerevan bolš nie abmiažoŭvajecca namiokami, a havoryć adkryta: kali partniory pa ADKB nie adreahujuć na napady na terytoryju Armienii, to kraina prymie rašeńnie pra vychad z arhanizacyi.
Jašče ŭ lutym 2024 hoda premjer-ministr Nikoł Pašynian abviaściŭ pra «zamarozku» ŭdziełu Armienii ŭ ADKB, a ŭ mai źniešniepalityčnaje viedamstva paviedamiła pra spynieńnie finansavańnia hetaj struktury.
U studzieni 2025 hoda Słužba źniešniaj raźviedki Armienii adznačyła, što kraina nie płanuje viartacca da paŭnavartasnaha ŭdziełu ŭ ADKB, a aŭtarytet samoj arhanizacyi stavicca pad sumnieŭ.
Kanflikt pamiž Jerevanam i ADKB uźnik paśla vajennych dziejańniaŭ u Nahornym Karabachu, kali Armienija źviarnułasia da sajuźnikaŭ pa dapamohu, ale nie atrymała jaje. Arhanizacyja, jakuju ŭznačalvaje Rasija, tolki vykazała «zaniepakojenaść». Pašynian nieadnarazova krytykavaŭ ADKB za biaździejnaść, nazyvaŭ jaje «fiktyŭnym sajuzam» i navat abvinavačvaŭ u zmovie z Azierbajdžanam.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»14
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2525
Kamientary