Sud Centralnaha rajona Minska vynies prysud mužčynu, jaki abvinavačvaŭsia ŭ pracy na telefonnych machlaroŭ, što vymahajuć hrošy pad vyhladam DTZ.
Jaho pryznali vinavatym i adpravili ŭ kałoniju, paviedamlaje pres-słužba Viarchoŭnaha Suda.
Pavodle materyjałaŭ spravy, abvinavačany dziejničaŭ u składzie arhanizavanaj hrupy. Achviaraj staŭ pažyły žychar Minska, jakoha pierakanali, što jaho svajak učyniŭ DTZ, i ciapier dla apłaty lačeńnia paciarpiełaha, i kab svajak paźbieh kryminalnaj adkaznaści, patrebnyja hrošy. Abvinavačany pryjechaŭ da paciarpiełaha dadomu, toj addaŭ jamu 24 500 dalaraŭ i rečy dla svajaka. Sumarnaja škoda skłała 63 785 rubloŭ.
Paśla hetaha mužčyna pajechaŭ u Baranavičy i pakinuŭ hrošy ŭ tajniku, zabraŭšy svaju dolu.
Jamu było pradjaŭlena abvinavačvańnie pa artykule ab machlarstvie, ździejśnienym arhanizavanaj hrupaj u asabliva bujnym pamiery (č. 4 art. 209 KK).
Sud pryznaŭ fihuranta vinavatym. Jamu prysudzili 6 hadoŭ pazbaŭleńnia voli ŭ kałonii ŭzmocnienaha režymu i štrafu ŭ pamiery 9 600 rubloŭ. Taksama ź jaho spahnanaja škoda, naniesienaja paciarpiełamu, u pamiery 65 688 rubloŭ. Akramia taho, u lik kampiensacyi majomaści ŭ abvinavačanaha kanfiskavali mabilny telefon.
Kamientary
Tielefon - vsio, čto s nieho poimiejut.
Iz každoho utiuha rasskazyvajut o mošieńnikach, no łochi nikak nie pierieviedutsia...