Muža i žonku Siarhieja i Marharytu Kudryckich sudzili za ŭdzieł u akcyjach pratestu ŭ žniŭni 2020 hoda.
Pravaabaroncy «Viasny» paviedamlajuć, što siamju abvinavacili pa č. 1 art. 342 Kryminalnaha kodeksa.
Sudovy praces viała sudździa Centralnaha rajona horada Minska Viktoryja Šabunia.
Siarhiej Kudrycki, jaki pracavaŭ śpiecyjalistam pa prodažach, byŭ zatrymany 24 červienia 2022 hoda i źmieščany da suda pad vartu, a viadučuju śpiecyjalistku adnaho z adździełaŭ MTBanka Marharytu adpuścili pad vialiki zakład, bo na ŭtrymańni siamji znachodzicca niepaŭnaletniaje dzicia.
Pa materyjałach abvinavačańnia, Siarhiej i Marharyta 30 žniŭnia 2020 hoda pryniali aktyŭny ŭdzieł u niesankcyjanavanym masavym mierapryjemstvie ŭ Minsku. Jany vyjšli ź bieł-čyrvona-biełym ściaham i płakatam z tekstam: «S…, vychodź OTCHEPPIBIEZDIM».
6 vieraśnia, zhodna z materyjałami abvinavačvańnia, Kudryckija pryniali ŭdzieł u akcyi pablizu steły.
U sudovym pasiadžeńni Siarhiej Kudrycki vinu pryznaŭ. Sudu pakazaŭ, što 30 žniŭnia 2020 hoda byŭ siarod natoŭpu pratestoŭcaŭ sa svajoj žonkaj Marharytaj.
Adnak u sudzie stała viadoma, što Siarhieja zatrymlivali jašče i 9 červienia 2020 hoda. Tady ŭ jaho rečach znajšli nibyta pakiecik z marychuanaj. Tak u śledstva źjaviŭsia jašče adzin artykuł — 328, abvinavačańnie pa jakim razhladałasia adnačasova.
Sud Centralnaha rajona Minska 19 vieraśnia pastanaviŭ: na padstavie č. 1 art. 342 Kryminalnaha kodeksa pryznačyć jamu pakarańnie ŭ vyhladzie abmiežavańnia voli na try hady biez nakiravańnia ŭ vypraŭlenčuju ŭstanovu adkrytaha typu. A pavodle č. 1 art. 328 pryznać vinavatym u niezakonnych biez mety zbytu nabyćci i zachoŭvańni narkatyčnych srodkaŭ, i pryznačyć jamu pakarańnie ŭ vyhladzie pazbaŭleńnia voli na dva hady. Pa sukupnaści złačynstvaŭ kančatkova pryznačyć Siarhieju pazbaŭleńnie voli na dva hady z utrymańniem u kałonii ahulnaha režymu.
Marharycie sud pryznačyŭ abmiežavańnie voli na try hady biez nakiravańnia ŭ papraŭčuju ŭstanovu adkrytaha typu («chatniaja chimija»).
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary