Padatkovaja patłumačyła, jakim čynam ciapier raźličvajecca ziamielny padatak
U Ministerstvie pa padatkach i zborach raskazali ab prymianieńni pavyšajučaha kaeficyjenta 3 da stavak ziamielnaha padatku pa ziamielnych učastkach, na jakich niama kapitalnych budynkaŭ.
Z 1 studzienia 2023 hoda ziamielny padatak pa ziamielnych učastkach, na jakich niama kapitalnych budynkaŭ, vyličvajecca pa staŭkach, pavialičanych na kaeficyjent 3.
U MPZ źviarnuli ŭvahu, što vyznačeńnie ziamielnych učastkaŭ, na jakich adsutničajuć kapitalnyja budynki, źmiaščajecca ŭ Padatkovym kodeksie. Da takich učastkaŭ pryraŭnoŭvajucca i tyja, na jakich jość choć by adzin niezarehistravany abo niedabudavany budynak. Płacielščykami ziamielnaha padatku pa takich ziamielnych učastkach pryznajucca ŭ tym liku biudžetnyja arhanizacyi.
Da ziamielnych učastkaŭ, na jakich adsutničajuć kapitalnyja budynki, nie prymianiajucca lhoty, ustanoŭlenyja Padatkovym kodeksam, a taksama inšyja lhoty, kali inšaje niepasredna nie budzie vyznačana zakanadaŭčymi aktami i padatkovym zakanadaŭstvam.
U 2023 hodzie ŭ Biełarusi padniali staŭki ziamielnaha padatku. Pavyšeńnie zakranuła i nasielnictva, i biznes, rost — na ŭzroŭni 19%.
Naprykład, staŭki ziamielnaha padatku dla žyłoj šmatkvaternaj zony pavysili da 14,71 rubla za hiektar (było — 12,32 rubla). Dla biznesu pavysili ziamielny padatak dla aŭtamabilnych rynkaŭ, ihralnych ustanoŭ, handlovych centraŭ i rynkaŭ. Jon składaŭ u 2022 hodzie 184,52 rubla za hiektar. Z hetaha hoda zbor padniali da 220,32 rubla.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary