Recept na vychadnyja. Bananavy tart taten — francuzskaja kłasika pa-novamu
Tart taten — kłasičny francuzski desiert, jaki zvyčajna robiać ź jabłykami. My ž prapanujem vam zamiest jabłykaŭ uziać banany dy jašče i padać hetaje smakoćcie z šarykam marožanaha — atrymajecca nie mienš šykoŭna! Možacie skarystacca mahazinnym marožanym ci zrabić jaho samastojna pa recepcie.
Fota: BBC Food
Kab zhatavać bananavy tart taten, vam spatrebicca:
- 400 hramaŭ zhuščonaha małaka
- 500 mililitraŭ jak maha bolš hustych viarškoŭ (pažadana nie mienš čym z 33% tłušču)
- trochi mołataha kardamonu ci karycy na smak
- 500 hramaŭ hatovaha słojenaha ciesta
- 100 hramaŭ karyčnievaha cukru
- 75 hramaŭ masła
- 30—50 hramaŭ rublenaha funduku
- 4—5 bananaŭ, narezanych na kavałki taŭščynioj u 2 santymietry.
- Kab zrabić marožanaje, pieramiašajcie ŭ miscy zhuščonaje małako, viarški i prypravu. Uźbivajcie sumieś da miakkich pikaŭ, potym pierakładzicie ŭ kantejnier, razraŭniajcie i pastaŭcie ŭ marazilnik da zamarožvańnia.
- Razahrejcie duchoŭku da 180 hradusaŭ i padrychtujcie dla tarta formu dyjamietram 23 santymietry.
- Raskačajcie ciesta da taŭščyni 1 santymietr, potym vyražcie ŭ im koła prykładna na 2 santymietry šyrejšaje za formu. Vykładzicie jaho na blachu i pakińcie ŭ chaładzilniku, pakul budziecie hatavać karamiel.
- Pakładzicie na patelniu cukar i masła, nahravajcie. Kali cukar rastvorycca, zrabicie bolšy ahoń i dajcie karamieli paciamnieć i zahuścieć. Čas ad času padnimajcie patelniu i trochi krucicie. Važna, kab vy sačyli za karamiellu i źniali jaje z ahniu, jak tolki jana nabudzie nasyčany koler, bo paśla hetaha karamiel moža chutka padhareć.
- Źnimicie patelniu z ahniu i pasypcie karamiel fundukom, pieralicie sumieś u formu. Raskładzicie pa dnie formy banany, potym vykładzicie źvierchu ciesta, aściarožna abharnicie jaho pa bakach formy. Zrabicie ŭviersie nadrez dla vychadu pary i vypiakajcie piroh 25—30 chvilin.
- Dajcie pirahu astyć niekalki chvilin. Potym pastaŭcie talerku na ciesta i aściarožna pieraviarnicie na jaje taten (mahčyma, vam spatrebiacca palčatki, kab nie apiačy sabie ruki karamiellu). Padavajcie tart narezanym na kavałki z šarykam marožanaha.
Kamientary