Ilja Mironaŭ patrabuje zavieści kryminalnuju spravu na načalnika izalatara ŭ Homieli
Jon nakiravaŭ skarhu ŭ SK na načalnika izalatara časovaha ŭtrymańnia Baravych.
Vałancior Ilja Mironaŭ prosić zavieści kryminalnuju spravu ŭ dačynieńni da načalnika homielskaha izalatara časovaha ŭtrymańnia Baravych. Ilja nakiravaŭ adpaviednuju zajavu ŭ Śledčy kamitet, paviedamlaje vydańnie «Štodzień».
Na dumku vałanciora, načalnik IČU parušyŭ niekalki artykułaŭ: «Złoŭžyvańnie ŭładaj» (č. 2 art. 424 KK) i «Pieravyšeńnie ŭłady ci słužbovych paŭnamoctvaŭ» (č. 3 art. 426 KK). Ilja Mironaŭ padrabiazna raspaviadaje pra parušeńni svaich pravoŭ u izalatary časovaha ŭtrymańnia, dzie jon znachodziŭsia z 8 pa 20 śniežnia.
«Było parušanaje majo prava na humannaje abychodžańnie i pavahu čałaviečaj hodnaści, bo mnie nie dali matraca i bializny, čystaj vopratki i pradmietaŭ hihijeny. Ja byŭ pazbaŭleny snu i adpačynku. Mianie śpiecyjalna budzili nočču i nie davali prylehčy ŭdzień. Dla zapałochvańnia ŭ adnosinach da mianie niezakonna vykarystoŭvali kajdanki. Ježa, jakuju mnie davali, była ahidnaja, pryznačanaja chutčej dla charčavańnia žyvioł, čym dla ludziej. Biez narmalnaha charčavańnia, snu, adpačynku, vopratki, pradmietaŭ hihijeny, va ŭmovach stresu ja znachodziŭsia 12 dzion», — adznačaje Ilja Mironaŭ u zajavie, nakiravanaj u Śledčy kamitet.
Nahadajem, što Ilja Mironaŭ paśla taho, jak pravioŭ hod za kratami, užo dvojčy adbyvaŭ administracyjnyja sutki.
-
Łukašenka: Pryjšoŭ čas viarnucca na šlach narmalizacyi adnosin Biełarusi i ZŠA
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie pryvodzić u šalenstva, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu2
Kamientary