Pandemija karanavirusa ŭ Biełarusi padyšła da kanca, adnak heta nie padstava rassłablacca ni žycharam krainy, ni supracoŭnikam śfiery achovy zdaroŭja. Pra heta zajaviŭ siońnia ministr achovy zdaroŭja Dźmitryj Pinievič, piša BiełTA.
«Siońnia my havorym ab urokach pandemii. My pryvučany da apieratyŭnaj źmieny abstanoŭki, apieratyŭnych adkazaŭ na jaje. Pandemija nas navučyła trochi inšaha farmatu abmienu infarmacyjaj, pracy. Jana padyšła da kanca, ale rassłablacca nielha. Bo my pryjšli ŭ epochu virusaŭ», — adznačyŭ jon.
Pa słovach Dźmitryja Pinieviča, va ŭmovach ciapierašniaj epidemijałahičnaj situacyi prasočvajecca trydemija. «Heta praces, kali zachoŭvajecca karanavirus na vielmi nizkaj aktyŭnaści, jość prablema virusa hrypu i reśpiratornych virusaŭ. Usio heta sfarmiravała tuju kliničnuju i epidemijałahičnuju karcinu, jakuju ciapier bačym: chvarejuć u asnoŭnym dzieci, pažyłyja ludzi, — raspavioŭ jon. — Pakazčyki zachvorvańnia źmienšylisia. Heta źviazana ŭ tym liku i z tym, što ŭ dziaciej byli kanikuły».
Jak adznačyŭ ministr achovy zdaroŭja, biahučaja epidsituacyja ŭ krainie zachavajecca da lutaha.
«Rekamiendacyi takija ž, jak i ŭ luby asieńnie-zimovy pieryjad: u miedustanovach nasić maski, pravietryvać pamiaškańni, zajmacca aktyŭnym ładam žyćcia», — skazaŭ jon.
Pa słovach Pinieviča, surjoznuju rolu ŭ stabilizacyi epidsituacyi adyhrała vakcynacyja, jakaja ŭ Biełarusi achoplivaje ŭsie katehoryi nasielnictva.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary