Namieśnik hiensaka AAN: Kanca bajavych dziejańniaŭ va Ukrainie nie vidać
Vajna va Ukrainie nabližajecca da pieršaj hadaviny, a kanca bajavych dziejańniaŭ nie vidać, zajaviła namieśnik hienieralnaha sakratara AAN pa palityčnych pytańniach Razmary Dzikarła.
«Ale ŭsie vojny zakančvajucca, i hetaja taksama. Ukraina, Rasija, mir nie mohuć dazvolić hetaj vajnie praciahvacca. Hienieralny sakratar hatovy dapamahčy bakam pakłaści kaniec hetamu biessensoŭnamu, nieapraŭdanamu kanfliktu na asnovie Statuta AAN i mižnarodnaha prava», — skazała Dzikarła, vystupajučy na pasiadžeńni Rady Biaśpieki AAN, pryśviečanamu Ukrainie.
«Aktyvizavalisia naziemnyja bai, asabliva ŭ Danieckaj vobłaści. U rajonach aktyŭnych bajavych dziejańniaŭ, jak Bachmut i Saladar, biaźlitasnyja bai, jakija ŭjaŭlajuć vialikuju pahrozu dla mirnaha nasielnictva, jakoje nie evakujavałasia».
Pa słovach namieśnika kiraŭnika AAN, pakul nie vidać «kanca bajavym dziejańniam». «Pieravažaje łohika vajskovych pavodzinaŭ, i mahčymaściaŭ dla dyjałohu pakul što vielmi mała, kali jany naohuł jość».
Rasijski pastajanny pradstaŭnik pry AAN Vasil Niabienzia na pasiadžeńni Rady Biaśpieki paŭtaryŭ formułu Kramla ab tym, što «śpiecyjalnaja vajennaja apieracyja» zavieršycca paśla dasiahnieńnia jaje met, i adchiliŭ inicyjatyvu Ukrainy ab praviadzieńni «samitu miru».
«U Kijevie nie chavajuć, što mir pa-ŭkrainsku — heta kapitulacyja Rasii, jakuju pavinna zafiksavać mižnarodnaja supolnaść. Mienavita tamu spadar [ministr zamiežnych spraŭ Ukrainy Dźmitryj] Kuleba, vysoŭvajučy svaju mirnuju prapahandysckuju pustyšku, adrazu abmoviŭsia, što ŭdziełu Rasii ŭ tak zvanym samicie nie praduhledžvajecca», — cytuje rasijskaha pastajannaha pradstaŭnika TASS.
Pieršy namieśnik ministra zamiežnych spraŭ Ukrainy Eminie Džaparava na pasiadžeńni Rady Biaśpieki AAN zaklikała «ŭsie adkaznyja dziaržavy» padtrymać ukrainskuju formułu miru.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary
Isklučili ahriessora, kak minimum, iz SOVBIEZa OON, lišili prava vieta, isklučili iz samoj OON ???
NIET, orhanizator rasstrielnych jam nasielenija Ukrainy, orhanizator massovych, vojennych priestuplenii v Ukrainie, orhanizator ubijstv, iznasiłovanii ukrainskich dietiej i žienŝin, orhanizator hienocida ukrainciev ostajotsia vo vsiech strukturach OON, sochraniajet pravo vieta i schiematozit kommierčieskije sdiełki s hienieralnym siekrietariom OON i jeho zamiestitielem.