Śviatłana Cichanoŭskaja padčas udziełu ŭ Davoskim forumie prakamientavała zavočny sud režymu nad saboj.
«Surjozna kamientavać hety fars składana, ale ihnaravać heta parušeńnie pravoŭ ja nie źbirajusia, — zaznačyła Śviatłana Cichanoŭskaja. —
Pra praces mnie i majoj kamandzie ŭdałosia trochi vyśvietlić. Pra sud ja daviedałasia sa ŚMI, a nie z aficyjnaha paviedamleńnia. Mnie admovili ŭ pravie ŭdzielničać u pasiadžeńni, a taksama atrymać kopii abvinavačvańnia i pratakołaŭ. A imia i proźvišča majho «abaroncy», pryznačanaha sudom, mnie paviedamili tolki ŭ minułuju piatnicu. Z ulikam vychadnych, mnie prosta nie pakinuli mahčymaści abmierkavać z advakatam stratehiju abarony. Voś takoje «pravasudździe».
Cichanoŭskaja raskazała, jak sprabavała skantaktavacca z advakatam:
«Ale i heta — nie ŭsio. Pryznačany advakat, niahledziačy na maje sproby ź im źviazacca, na suviaź tak i nie vyjšaŭ. Jak jon źbirajecca mianie abaraniać? Upeŭniena, što heta i nie ŭvachodziła ŭ jaho płany».
Pavieł Łatuška, jakomu taksama pryznačyli dziaržaŭnaha abaroncu, zajaviŭ advod advakatu. Ale sud admoviŭ zadavolić chadajnictva.
«Što ja chaču skazać usim, chto ŭdzielničaje ŭ hetym pracesie, ad zakazčykaŭ spravy da sudździaŭ, prakuroraŭ, śledčych i taho samoha abaroncy: ja viedaju, što svaimi dziejańniami vy sprabujecie zapałochać i dyskredytavać mianie, — kamientuje Cichanoŭskaja. —
Ale vy tolki dajacie pramyja dokazy svaich złačynstvaŭ suprać naroda Biełarusi.
Za hetyja dva hady sa mnoj, jak i z usimi biełarusami, adbylisia vialikija transfarmacyi. My kožny dzień hladzim u vočy strachu i stomlenaści — i praciahvajem pracavać dziela Biełarusi budučyni. Try hady tamu ja nie dumała, što kaliści mianie buduć pieraśledavać u zavočnym sudzie. Ale ja i nie dumała, što mnie vypadzie honar upieršyniu za 30 hadoŭ pradstaŭlać našu krainu i budučyniu jaje ekanomiki na samym važnym ekanamičnym forumie ŭ Davosie.
Heta budučynia nastupić, i jaje niepaźbiežnaść vas pałochaje. Biełaruś budzie volnaj, niezaležnaj, mirnaj i paśpiachovaj krainaj. I toje, jak vy, saŭdzielniki hetych sudziliščaŭ, baiciesia hetaj budučyni, nie prymusić ni mianie, ni biełarusaŭ spynicca na šlachu da svajoj mary».
Čytajcie taksama:
U Minsku pačynajecca zavočny sud nad Cichanoŭskaj, Łatuškam i inšymi členami Kaardynacyjnaj rady
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary