Ozi Osbarn admianiŭ usie kancerty. Jon bolš nie budzie jeździć u tury
Ozi Osbarn admianiŭ usie zapłanavanyja kancerty ŭ Jeŭropie i Vialikabrytanii z-za prablem sa zdaroŭjem. U 2019 hodzie śpiavak paškodziŭ chrybietnik, kali pavaliŭsia ŭ svaim domie ŭ Łos-Andželesie. U budučyni jon nie płanuje pravodzić tury.
«Majoj adzinaj metaj u hety čas było viarnucca na scenu. Moj hołas — vydatny. Adnak paśla troch apieracyj, lačeńnia stvałavymi kletkami, biaskoncych sieansaŭ fizijaterapii i apošniaha navatarskaha lačeńnia Cybernics majo cieła ŭsio jašče fizična słaboje», — zajaviŭ Ozi Osbarn.
Pa słovach 74-hadovaha śpievaka, jaho kamanda ciapier pracuje nad tym, jak jon zmoža vystupać, nie jeździačy z horada ŭ horad i z krainy ŭ krainu. U toj ža čas jon paviedamiŭ, što «nikoli b nie padumaŭ, što hastrolnyja dni skončacca takim čynam».
Apošnija hady Ozi Osbarn taksama zmahajecca z chvarobaj Parkinsana II typu. Pa słovach jaho žonki Šeran Osbarn, heta chvaroba nie śmiarotny prysud, ale jana ŭpłyvaje na peŭnyja niervy ŭ ciele.
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom2
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Jość takaja najcudoŭnaja śpiavačka Kryścina Ašmaryna. Jana apaviaščaje ŭ siecivie, što chutka voś adbudziecca jejny vystup i zaprašaje naviedać jaho praz... svaje kamputary j dalkažyki. Pryčym, śpiavaje Kryścina časta siedziačy ŭ kreśle, i heta, zdajecca, jej nikolečki nie zaminaje! /
A tutaka papryzvyčajvalisia, što kancert lepš nie pravodzić, kali nie daviadziecca paskakać va ŭsiu pa scenie, pakrucić saltuchi z padtancoŭkaj i jašče nie nyrcanuć sa sceny ŭ natoŭp. Dzie, kantaktujučy niepasredna z šanoŭnym hladačom, čaho dobraha, jašče j dać kamuści poŭchu mikrafonam ci bukietam. /
Nie, nu vy što? Byccam zabylisia, što iścinny śpiavak raziavaje najpierš rot, a nie hamalejku, to bok śpiavaje hołasam, a nie nahami. Jak niezamožnaja, ale ad taho nia mienš dušeŭnaja Kryścina.