Rasija, vierahodna, užyła novuju zbroju suprać Ukrainy. Heta moža źmianić bałans sił u Čornym mory
Hałoŭnakamandujučy USU Załužny paviedamiŭ ab vykarystańni Rasijaj marskich nadvodnych dronaŭ. Pra heta jon zajaviŭ padčas razmovy z kiraŭnikom Kamiteta načalnikaŭ štaboŭ ZŠA Markam Mili.
«Padzialiŭsia tryvohaj u suviazi z vykarystańniem Rasijaj marskich nadvodnych dronaŭ, što stvaraje pahrozu hramadzianskamu sudnachodstvu ŭ Čornym mory», — zajaviŭ Załužny.
Kadry pracy, mahčyma, takoha drona publikavalisia ŭčora ŭviečary. Telehram-kanały śćviardžali, što jon padarvaŭ most u Zatocy ŭ Adeskaj vobłaści. Aficyjna ŭłady hetaha nie paćviardžali.
Załužny nie ŭdakładniŭ, dzie mienavita byŭ vykarystany nadvodny dron. Ale inšych paviedamleńniaŭ, akramia ataki na most u Zatocy, nie było.
Surveillance footage possible showing the Zatoka bridge near Odesa being hit by what looks like a naval suicide drone. #Ukraine #Odesa pic.twitter.com/E7IlTuyzSW
Rasijskaje vydańnie «Ahientstvo» paviedamiła, što Rasija, vierahodna, užyła novuju zbroju suprać Ukrainy, i jana moža źmianić bałans sił u Čornym mory.
Jak piša OSINT-analityk H. I. Sutton (nik u tvitary), na videa chutčej za ŭsio biezekipažny nadvodny aparat (USV) nakštałt tych, što vykarystoŭvaje Ukraina. Pra toje, što padobnyja bieśpiłotniki jość na ŭzbrajeńni Rasii, da hetaha nie paviedamlałasia, padkreślivaje ekśpiert.
Kali ŭ rasijskaj armii sapraŭdy źjavilisia padobnyja bieśpiłotniki, to «my zmožam ubačyć źmienu bałansu sił u Čornym mory, hetym razam na karyść Rasii», piša analityk.
Rasija zmoža vykarystoŭvać USV dla napadaŭ na sudny, jakija znachodziacca ŭ Čornym mory ŭ ramkach zbožžavaj ździełki, kab zatym abvinavacić u napadach USU.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma5
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary