«ES źniziŭ abjom vytvorčaści». Kiraŭnik MARH patłumačyŭ, čamu hurki ŭ krainie pa 16 rubloŭ
Ministr antymanapolnaha rehulavańnia i handlu Biełarusi Alaksiej Bahdanaŭ na telekanale «Biełaruś 1» rastłumačyŭ vysokija ceny na ahurki ŭ biełaruskich mahazinach. Pavodle jaho, «heta vyklučna ŭpłyŭ situacyi».
Bahdanaŭ patłumačyŭ, što Jeŭrapiejski sajuz praz vysokija ceny na haz źniziŭ vytvorčaść ciapličnych haspadarak.
«Haz ža darahi staŭ, a heta ž treba abahravać ciaplicy, daaśviatlać. Heta ŭsio dla ich doraha stała, jany źnizili vytvorčaść. Z Turcyi składana zavieści, bo łahistyka ŭskładniłasia. I siońnia adziny rynak, dzie ich možna nabyć, heta Rasijskaja Fiederacyja. Ale ŭ Rasii rehulavańnia cen niama. I, viadoma, pry ŭsplosku kanjunktury jany padniali šmat u čym ceny», — rastłumačyŭ kiraŭnik MARH.
Bahdanaŭ prapanavaŭ «nie pieražyvać» nakont hurkoŭ i cen na ich.
«Zastałosia paciarpieć litaralna da kanca lutaha, i ŭžo ŭ poŭnym abjomie pieršy novy ŭradžaj ciapličnych našych ahurkoŭ źjavicca ŭ kramach, i ŭ sakaviku my ŭžo budziem całkam zabiaśpiečany našym, tak by mović, ahurkom. Skončycca mižsiezonny pieryjad, u jaki my zavozim impartnuju pradukcyju», — zapeŭniŭ jon.
Bahdanaŭ nie patłumačyŭ, čamu z takim tannym hazam, jak u Biełarusi, my nie možam vyraścić tannyja hurki. Ciapier u krainie ahurki pa 16 rubloŭ.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki19
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary