Novy trend u tyktoku: karystalnikaŭ adhavorvajuć kuplać niepatrebnaje
Niekatoryja ŭpłyvovyja błohiery pastajanna niešta pradajuć svajoj aŭdytoryi. Heta moža być kaśmietyka, adzieńnie ci niešta jašče sa śpiecyjalnaj źnižkaj ad błohiera, što pavinna dapamahčy karystalnikam skapijavać jaho jaskravy ład žyćcia. Tym nie mienš, ciapier u sacsietkach nazirajuć advarotny trend.
Usio bolš i bolš stvaralnikaŭ kantentu admaŭlajecca ad tradycyi niešta raić aŭdytoryi i zamiest hetaha adhavorvaje jaje ad niepatrebnych pakupak, piša Guardian.
Takija błohiery — ich jašče nazyvajuć deinfluensierami — raskazvajuć karystalnikam, što z taho, što im prapanoŭvajuć inšyja, nie vartaje ažyjatažu. Adpaviedny chešteh #deinfluencing maje ŭ tyktoku ŭžo 160 miljonaŭ prahladaŭ.
Džaha Šerman, kiraŭnik adździeła stratehii markietynhavaha ahienctva sacsietak Goat, raskazvaje, što papularnaść deinfluensieraŭ abumoŭlenaja časam. Karystalnikam nadakučyła situacyja, kali im pastajanna kažuć, što jany pavinny kuplać, tym bolš z ulikam koštu žyćcia ŭ naš čas. Ałharytmy tyktoku taksama spryjajuć papularnaści deinfluensieraŭ, bo ŭ im karystalniki z adnosna nievialikaj kolkaściu padpisčykaŭ mohuć chutka stać papularnymi. U dadatak, sprečnyja temy časta pryciahvajuć bolš uvahi, bo ludzi ich bolš achvotna kamientujuć.
Ź inšaha boku, niekatoryja ekśpierty nie ličać deinfluensieraŭ niejkaj novaj źjavaj. Pavodle ich, heta prosta novaje słova dla staroha paniaćcia — zvyčajnaha sumlennaha ahladu niejkaha praduktu ci pasłuhi.
Takoj deinfluensierkaj stała, naprykład, 22-hadovaja Valeryja Frydehota, studentka z Čykaha. Dziaŭčyna miarkuje, što ciapier uvahu amierykancaŭ pryciahvajuć ludzi, jakija adhavorvajuć ich ad kupli darahich rečaŭ. Jana źniała videa, dzie raskazała pra nabor z šampuniu i kandycyjaniera dla vałasoŭ za 60 dalaraŭ, chajłajtar za 36 dalaraŭ i rumiany za 37 dalaraŭ. Usie hetyja pradukty karystalnikam raili inšyja błohiery, ale, na dumku Valeryi, jany nie zasłuhoŭvajuć ažyjatažu. Videa, dzie dziaŭčyna raskazvała pra heta, nabrała bolš za 1,3 miljona prahladaŭ i sabrała sotni kamientaroŭ.
Biełarus uzarvaŭ tyktok, skłaŭšy šaścikutnuju skrynku
«Jana narmalnaja, paviercie vy mnie!» Žychary pravincyi zapisali emacyjnaje videa ŭ abaronu tušonki — i parvali tyktok
Tyktokierka-aśvietnica Liza Vietrava: Ja imknułasia zrujnavać stereatyp, što vyvučeńnie biełaruskaj movy — składanaja i nudnaja sprava
Ciapier čytajuć
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem7
Kamientary
uhu. pry hetym skarystaŭšysia imi i vykinuŭšy na śmietnik?
čarhovaje "pčieły protiv mieda"