Foreign Policy pra kalinoŭcaŭ: Siońnia jany vajujuć za Ukrainu, ale spadziajucca zaŭtra viarnucca dadomu i zrynuć Łukašenku
Pra svajo znajomstva z bajcami biełaruskaha pałka Kalinoŭskaha raspaviadaje kijeŭski žurnalist Foreign Policy Sem Skoŭ.
Aŭtar pryvodzić historyi asobnych udzielnikaŭ pałka. Siarod ich były 30-hadovy IT-śpiecyjalist, 21-hadovy chłopiec, jaki chavaŭsia ad pryzyvu, 57-hadovy były elektryk, jaki nikoli nie słužyŭ u vojsku, hrafičny dyzajnier, jaki byŭ u štabie apazicyjnaha palityka, a taksama aktyvisty apazicyi.
Hetyja historyi raźličanyja na zamiežnaha čytača. Aŭtar nahadvaje pra asablivaści palityčnaj situacyi na Biełarusi. Jon adznačaje, što, jak ni paradaksalna, ale mienavita paranoja Łukašenki adnosna ŭnutranaj apazicyi spryjaje viarboŭcy biełarusaŭ u połk. Połk, pavodle zamiežnaha žurnalista, źjaŭlajecca punktam zboru biełarusaŭ-dysidentaŭ.
Pry hetym asnoŭnaja kaštoŭnaść pałka pierš za ŭsio simvaličnaja. Bajcy ličać, što svajoj prysutnaściu jany pakazvajuć ukraincam, što nie ŭsie biełarusy padtrymlivajuć vajnu Rasii.
Jany vydatna razumiejuć, što, akramia niebiaśpieki zahinuć na poli boju, jany nie mohuć biaśpiečna viarnucca dadomu, bo viartańnie aznačała by praciahły turemny termin za znachodžańnie ŭ pałku.
Bajcy marać pra vyzvaleńnie Biełarusi. Pry hetym jany realistyčna aceńvajuć svaje šancy.
«Pałku daviadziecca prajści jašče doŭhi šlach, pakul jon nie budzie hatovy da baraćby ź biełaruskaj dziaržavaj», zaŭvažaje ŭ kancy aŭtar artykuła.
Čamu Cichanoŭskaja nie pajechała na pachavańnie Papy?23
Kamientary
Nizkij pokłon vam riebiata!
Žyvie Biełaruś!