Va Ukrainie prydumali, jak abaranić ad vandałaŭ i zładziejaŭ vuličnyja hrafici mastaka Benksi
Dla abarony rabot zorki brytanskaha vuličnaha mastactva Benksi ŭ Baradziancy, Irpieni i siale Horanka na ich ustalavali abaronu z kruhłasutačnym biespravadnym padklučeńniem da achoŭnaj kampanii. Achoŭnyja kanstrukcyi zabiaśpiečanyja datčykami ruchu i ŭdaru.
Achoŭnyja kanstrukcyi raspracavali razam z vytvorcam sistem biaśpieki Ajax Systems.
Datčyki ruchu i ŭdaru buduć fiksavać sproby paškodžańnia abo padychodu da abjekta. Jany taksama ŭklučajuć vuličnuju sirenu pobač i praz centralnyja sistemy biaśpieki pieradajuć paviedamleńni ŭ achoŭnuju kampaniju.
Jak adznačajecca, hetyja datčyki nie zaležać ad pastajannaha siłkavańnia. Chab trymaje suviaź ź imi na adlehłaści da 1700 mietraŭ i paviedamlaje achovie pra tryvohu mienš čym za 0,15 siekundy.
Brytanski tvorca Benksi naviedaŭ Kijeŭ i vakolicy vosieńniu minułaha hoda. Paśla jahonaha vizitu tam źjaviłasia siem jaho rabot. Niekatoryja ź ich — u miescach, jakija mocna paciarpieli ad rasijskich bambardzirovak: Kijevie, Irpieni i Baradziancy.
Na adnym z murałaŭ, naprykład, namalavany mužčyna, padobny da prezidenta Rasii Uładzimira Pucina, jakoha kidajuć na padłohu padčas pajadynku pa dziudo. Inšaja praca pakazvaje dvuch dziaciej, jakija hajdajucca na impravizavanych arelach, zroblenych z supraćtankavaha vožyka.
Jašče adzin murał, namalavany na ruinach razburanaha budynka, adlustroŭvaje himnasta, jaki vykonvaje na adnym z abłomkaŭ stojku na rukach.
Paźniej hetyja raboty nieadnarazova sprabavali skraści ci paškodzić.
Čytajcie taksama:
Vuličnaha mastaka Benksi zrabili hanarovym hramadzianinam Irpienia
Ludziej, što sprabavali zrezać pad Kijevam sa ściany hrafici Benksi, zatrymali
Da hrafici Benksi ŭ Kijevie damalavali kazaka z preziervatyvam
Benksi paćvierdziŭ aŭtarstva siami rabot, stvoranych u viadomych miescach Ukrainy
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary