Słavienskaja hrupa paćvierdziła, što kancert byŭ admienieny miascovym arhanizataram, bo abviestka vyklikała zanadta šmat sprečak i supiarečlivuju reakcyju va Ukrainie.
Kancert hurta Laibach u stalicy Ukrainy Kijevie, jaki byŭ anansavany na 31 sakavika, admienieny. Hrupa paćvierdziła, što arhanizatar admianiŭ kancert u niadzielu, tamu što abjava vyklikała zanadta šmat sprečak i supiarečlivuju reakcyju va Ukrainie.
Miascovy arhanizatar kancerta abviaściŭ u adnoj z sacyjalnych sietak, što kancert byŭ admienieny z-za haračych sprečak ab pohladach hrupy na pryčyny vajny va Ukrainie.
«Kab praduchilić niepatrebny padzieł ukraincaŭ na roznyja łahiery i likvidavać pryčynu razładu, my vyrašyli admianić kancert hurta Laibach», — paviedamiŭ arhanizatar u fejsbuku. Na sajcie concert.ua prodaž kvitkoŭ na kancert taksama byŭ prypynieny.
Kancert pavinien byŭ stać pieršym u Kijevie kancertam zachodniaj hrupy z pačatku vajny.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary