Žurnalistku Kaciarynu Jerusalimskuju abakrali ŭ Hrecyi, pakinuŭšy biez hrošaj, dakumientaŭ i kvitka na samalot. Što było dalej
Z asabistych rečaŭ dziaŭčyny źnikli hrošy, pastajanny dazvoł na žycharstva ŭ Litvie i bilet na samalot. Pra heta jana daviedałasia pierad samaj pasadkaj u aeraporcie Afin.
Pra kradziež Kaciaryna paviedamiła palicyi i svaim blizkim. Na ščaście, złodziei pakinuli žurnalistcy pašpart, ź jakim jaje puścili ŭ samalot Ryanair, i ciapier dziaŭčyna nakiroŭvajecca ŭ Vilniu.
U Hrecyi Kaciaryna adpačyvała, žyła ŭ hateli.
«I znoŭ u centry padziej Ryanair. Mnie zdajecca, što hetuju historyju treba nazirać. Padobnaja historyja raniej skončyłasia drenna», — adreahavaŭ Jan Rudzik, uzhadaŭšy pasadku samalota Ryanair, jaki nakiroŭvaŭsia z Afin u Vilniu, z kolišnim redaktaram kanała «Niechta» Ramanam Pratasievičam na borcie.
Kali samalot pralataŭ nad terytoryjaj Biełarusi, piłotaŭ zmusili pryziamlicca ŭ aeraporcie Minska, paśla čaho aryštavali Ramana Pratasieviča i Safiju Sapiehu. Ciapier idzie sudovy praces nad Pratasievičam. Hramadziancy Rasii Safii Sapiezie ŭ mai 2022 hoda, praz hod paśla pasadki samalota, prysudzili 6 hadoŭ pazbaŭleńnia voli.
Pratasieviču, Puciłu i Rudziku inkryminujecca nie mienš za 1586 złačynstvaŭ
Jakaja infarmacyja z Nexta i BHM mahła apynucca ŭ rukach łukašenkaŭcaŭ i što rabić biełarusam, jakija tudy pisali
«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daje pakazańni ŭ sudzie
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary
Što za bilet kotoryj možna skrati v rajanejr???