Sud Rahačoŭskaha rajona na pačatku lutaha vynies prysud 57-hadovamu Siarhieju Kušnarovu. Jamu inkryminavany publičnaja abraza i paklop u dačynieńni da Alaksandra Łukašenki (č. 1 art. 368, č. 1 art. 367), a taksama da inšych pradstaŭnikoŭ dziaržaŭnaj ułady (art. 188 i art. 369 Kryminalnaha kodeksa), piša «Viasna».
Z materyjałaŭ abvinavačańnia viadoma, što Kušnaroŭ z vykarystańniem mabilnaha telefona sa žniŭnia 2020 hoda pa luty 2022 hoda nieadnarazova raźmiaščaŭ na svajoj staroncy ŭ sacyjalnaj sietcy «Adnakłaśniki» publikacyi, u jakich utrymlivalisia abrazy Łukašenki, hienieralnaha prakurora, ministra ŭnutranych spraŭ u suviazi z vykanańniem imi svaich abaviazkaŭ. Pry hetym u publikacyjach pryvodzilisia, pa mierkavańni suda, zahadzia łžyvyja i tyja, što nie adpaviadali rečaisnaści, danyja, jakija hańbili i prynižali honar i hodnaść paciarpiełych.
Adna ź jaho publikacyj źmiaščała spasyłku na videazapis, raźmieščany na YouTube, u jakoj hienieralny prakuror abvinavačvaŭsia ŭ ździajśnieńni asabliva ciažkaha złačynstva. Tym samym Kušnaroŭ chacieŭ pakazać kiraŭnika viedamstva ŭ vačach šyrokaj hramadskaści ŭ źnievažalnym stanoviščy.
Sud pa sukupnaści złačynstvaŭ pryznačyŭ Kušnarovu pakarańnie ŭ vyhladzie pazbaŭleńnia voli terminam na try hady z adbyvańniem u papraŭčaj kałonii va ŭmovach ahulnaha režymu sa štrafam 100 bazavych vieličyń (3,7 tys. rubloŭ).
Homielski abłasny sud 15 sakavika razhladaje apielacyjnuju skarhu Siarhieja Kušnarova na prysud suda Rahačoŭskaha rajona.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary