Načalnik navapołackaj kałonii, dzie mučać Ihara Łosika, ros ź im u adnym domie ŭ Baranavičach
Andrej Palčyk — były načalnik navapołackaj kałonii №1. Pa śviedčańniach viaźniaŭ, heta kałonija maje samyja žorstkija ŭmovy. I voś niuans — daviedzieny da adčaju ŭ kałonii błohier Ihar Łosik, akazvajecca, žyŭ z Palčykam u adnym domie, a baćki Palčyka ŭvieś hety čas chadzili adnymi ściežkami z baćkami Łosika i jaho aryštavanaj žonki.
Vulica Nakaniečnikava, paŭnočny rajon Baranavič. Cichi žyły masiŭ z vozieram, škołami i sadami. Pobač viečna pusty Ladovy pałac i Śviaciłaŭskaje voziera, u jakim nielha płavać, ale ŭsio roŭna pryhoža.
Ad šumu staroj trasy R2, jakaja viadzie na Minsk, rajon adździalaje nievialiki haražny masiŭ i redkaja lesapałasa. Ad vialikaha zavoda aŭtamatyčnych linij — čyhunka.
Mała što parušaje spakoj žycharoŭ, heta kłasičny cichi biełaruski spalny rajon. U hetych dvarach, chodziačy pa adnych ściežkach, vyraśli dva zusim roznyja čałavieki — Ihar Łosik i Andrej Palčyk.
Jany žyli ŭ adnym daŭžeznym domie numar 33 na toj samaj vulicy Nakaniečnikava.
Łosik prapisany ŭ pieršym korpusie, Palčyk — u druhim. Ale pa fakcie ich kvatery raździalaje litaralna paru padjezdaŭ. Baćki Palčyka i ciapier tam žyvuć.
Palčyk viadomy svajoj žorstkaściu.
«Načalnik na vačach padnačalenych źbivaje ludziej, ździekujecca ź ich. Pry hetym, dumaju, jon atrymlivaje ad svaich dziejańniaŭ asałodu. Heta bačna pa jaho tvary», — raskazvaŭ u intervju błohier Alaksandr Kabanaŭ.
Dniami stała viadoma, što Ihar Łosik parezaŭ sabie ruki i horła. Jak paviedamlała «Svaboda», Ihar nibyta admoviŭsia «zajmacca pryborkaj pamiaškańnia», i jamu pryhrazili, što źmieściać u ŠIZA. U adkaz na heta viazień demanstratyŭna ŭ prysutnaści inšych asudžanych lazom parezaŭ sabie ruku i šyju.
Taksama paviedamlałasia, što Palčyka zdymajuć z pasady i pieravodziać na pracu ŭ inšaje miesca dla asudžanych.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
a Hrodno(dno)? a Briest?