Na litoŭskaj miažy zafiksavali novy rekord cyharetnaj kantrabandy ź Biełarusi
Na biełaruska-litoŭskim pamiežnym pierachodzie «Pryvałka — Rajhardas» u minułuju piatnicu byŭ zatrymany hruzavy ciahač «DAF», jakim kiravaŭ hramadzianin Biełarusi. Mytnikam kiroŭca fury pakazaŭ dakumienty, ź jakich vynikała, što jon nibyta pieravozić tarfianyja brykiety tranzitam ź Biełarusi praź Litvu ŭ Polšču. Na pieršy pohlad padavałasia, što ŭ hruzaviku sapraŭdy pieravoziać tarfianyja brykiety, ale nasamreč akazałasia zusim inačaj.

Vizualny ahlad mašyny pakazaŭ, što ŭ zadniaj častcy paŭpryčepa i ŭ hłybini fury składzienyja paliŭnyja brykiety vyhladali adnolkava. Usio było ščylna abhornuta ŭpakovačnaj plonkaj.
Kali mytniki pravieryli hruzavik z dapamohaj sistemy renthienaŭskaha kantrolu, to akazałasia, što tarfianoje paliva znachodziłasia ŭsiaho ŭ čatyroch paddonach u zadniaj častcy paŭpryčepa. Bolšuju ž častku hruzu składali spakavanyja skrynki kantrabandnych cyharet.
Pavodle papiarednich źviestak, u paŭpryčepie było vyjaŭlena kala 2 tysiač skrynak z prykładna 1 młn pačkaŭ tonkich biełaruskich cyharet. Košt cyharet z padatkami, jakija pavinny być vypłačanyja, składaje 3,96 miljona jeŭra.
Jak paviedamlaje litoŭskaja mytnia, heta samaja bujnaja partyja nielehalnych cyharet, kanfiskavanych adnačasova za apošnija hady. Mytnaj kryminalnaj słužbaj Litvy pačata dasudovaje rasśledavańnie pa fakcie kantrabandy.
Biełarus, jaki kiravaŭ hruzavikom, a taksama hramadzianin Ukrainy, jaki jechaŭ ź im na pasažyrskim siadzieńni, byli zatrymanyja. U niadzielu, 19 sakavika, pa rašeńni Kaŭnaskaha rajonnaha suda abodva aryštavanyja na dva miesiacy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary