Niamiecki brovar stvaryŭ pieršaje ŭ śviecie hatovaje paraškovaje piva
Heta moža nazaŭždy źmianić industryju pivavareńnia.
Niamiecki brovar Neuzeller Klosterbräu z 500-hadovaj historyjaj śćviardžaje, što ŭ lutym zdoleŭ stvaryć vysakajakasnaje paraškovaje piva. Kali źmiašać taki parašok z vadoj, to atrymajecca zvyčajnaje piva, jakoje ničym nie adroźnivajecca pa smaku ad sapraŭdnaha.
Štefan Frytše, dyrektar brovara, u intervju The Times skazaŭ, što jany raspracoŭvali hety parašok na praciahu dvuch apošnich hadoŭ, daśledavańni finansavała dziaržava. Pavodle jaho słoŭ, heta nie pieršaje ŭ śviecie paraškovaje piva, ale jano adroźnivajecca ad inšych tym, što moža ŭklučać u siabie adnačasova i ałkahol, i haziroŭku ŭ paraškovym vyhladzie, što zachoŭvaje ŭsie jakaści dobraha piva.
«Heta pieršaje ŭ śviecie hatovaje piva ŭ vyhladzie parašku, i jano moža źmianić śviet. Dadajcie vady, i vy atrymajecie piva z paŭnavartasnym smakam, uklučajučy ałkahol, vuhlakisły haz i pienu. U pryncypie, takim mietadam my možam vyrablać absalutna luboje piva ŭ śviecie: ciomnaje piva, śvietłaje piva, indyjski śvietły el, dy naohuł što zaŭhodna», — raspaviadaje Štefan Frytše.
Jon upeŭnieny, što takaja inavacyja moža całkam źmianić ałkaholnuju industryju, bo dapamoža skaracić vahu hruzaŭ na 90 pracentaŭ, tamu što nie treba budzie pieravozić hruzy ŭ vadkim vyhladzie abo ŭ ciažkich butelkach.
«Enierhietyčny kryzis, inflacyja i deficyt škła, častkova vyklikanyja spynieńniem pastavak z Rasii i Ukrainy paśla pačatku vajny, stvarajuć pierakanaŭčyja arhumienty na karyść paraškovaha piva. Pry novaj technałohii niama nijakaha sensu impartavać šklanyja butelki, napaŭniać ich niamieckaj vadoj, a potym adpraŭlać piva ŭ Afryku, Kitaj i inšyja dalokija krainy», — adznačaje Frytše.
Pry hetym jon pryznaje, što amatary sapraŭdnaha piva mohuć skieptyčna stavicca da takoj idei, taki napoj nie budzie zamianiać kłasičnaje piva. Paraškovaje piva, na jaho dumku, maje sens tolki dla pivavaraŭ, jakija pastaŭlajuć piva na dalokija rynki, a małyja i siarednija niamieckija pivavary pieravažna buduć praciahvać tradycyjna varyć i raźlivać piva dla miascovych spažyŭcoŭ.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary