Pakul jon spaŭ, hościa pieraviała hrošy haspadara na svaju kartku
Žychar horada Baranavičy niedaličyŭsia hrošaj na svajoj bankaŭskaj kartcy paśla taho, jak u jaho pahaściła znajomaja.
Baranavicki mižrajonny adździeł Śledčaha kamiteta rasśleduje kryminalnuju spravu pavodle č. 1 art. 212 (kradziež majomaści šlacham madyfikacyi kampjutarnaj infarmacyi) Kryminalnaha kodeksa ŭ dačynieńni da 40-hadovaj biespracoŭnaj žycharki horada.
Žančyna haściavała ŭ svajho znajomaha, piša «Naš kraj». Ranicaj nastupnaha dnia, pakul mužčyna jašče spaŭ, žančyna ŭziała jaho mabilny telefon i pieraviała sabie 100 rubloŭ ź jaho bankaŭskaj karty.
Śpisańnie hrošaj z karty mužčyna zaŭvažyŭ nie adrazu, pakolki hościa pradbačliva vydaliła mabilnuju prahramu ź jaho telefona. I tolki ŭstalavaŭšy jaje paŭtorna, paciarpieły zaŭvažyŭ, što na karcie nie chapaje srodkaŭ.
Vyrašyć pytańnie «paluboŭna» nie ŭdałosia, i mužčyna źviarnuŭsia ŭ milicyju.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary